Sunday, 21 December 2014
Fundacion Hende Muhe den Dificultad, candidato pa “Oranje Fonds Kroonappels” Print E-mail
Friday, 15 March 2013 09:35
Comparti
DSC_2063
Na occasion di e traspaso di trono venidero, Oranje Fonds ta organisando e buskeda pa “kroonappels”. Tin tres catergoria: Hubentud, Bario y Duna un man. Fundacion pa Hende Muhe den Dificultad ta participa na e grandioso accion nacional aki den categoria Helpende Hand (Duna un man).

Desde awor por mira e nominacion aki riba www.kroonappels.com, bou Aruba. Den e weekend di votacion riba dianan 15/16/17 di maart, tur hende den nos comunidad por vota riba nos organisacion y asina duna guia na e pareha protector di Oranje Fonds. E organisacion cu tin mas voto ta sigui pa e siguiente tanda. E tres organisacionan cu finalmente ta sali ganador, ta ricibi e precado “Oranje Fonds Kroonappel” y cada un ta gana € 50.000,= y un statua di brons, entrega na nan pa e Rey y Reina nobo. Oranje Fonds ta entrega tur aňa “Appeltjes van Oranje” y ta corona di e moda aki organisacionan social exitoso. Na occasion di e traspaso di trono di e pareha protector di e Fondo, un edicion special ta wordo organisa. Den henter reino organisacionan social por registra nan mes den un di e tres categorianan.

Fundacion pa Hende Muhe den Dificultad a hasi uso di e oportunidad aki pa nomina nan organisacion cu ta brinda ayudo na hende muhe y tambe nan eventual yuinan cu ta haya nan mes confronta cu problema familiar pa motibo cu nan ta biba bou oppression y abuso a causa di violencia domestico. Nos cas di refugio ta disponibel dia y nochi pa casonan serio di maltrato, na momento cu e hende muhe su bida ta na peliger y e no tin niun otro caminda pa bai unda e por ta sigur. Nos Fundacion ta spera cu nos lo haya apoyo pa medio di hopi voto pa asina nos por sigui cu e tremendo trabou cu nos ta ofrece nos comunidad. Nos organisacion ta e unico riba nos Isla cu ta equipa pa brinda e servicio aki. Nos merece di gana e premio “Kroonappels” “Oranje Fonds” ta sostene iniciativanan social cu placa, conocemento y contacto. Pa aňa e ta inverti como € 30 miyon y pico na organisacion grandi y chiquito. Financiamento pa esaki ta bin di Nationale Postcode Loterij, Lotto, di amigonan y di comercio. Prins van Oranje y Princesa Máxima ta pareha protector di e Fondo. Pa mas informacion riba nos participacion tuma contacto cu Sra.Yvonne Spellen na tel: 5835400 of 5925232

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter