Wednesday, 22 October 2014
‘Bullying’ un problema serio den scol basico Print E-mail
Wednesday, 27 March 2013 16:33
DSC_2063
Investigacion haci door di studiantenan di Colegio E.P.I sector Salubridad & Servico – Welzijn ta constata cu na skolnan basico di Departamento pa Skolan Publico (DPS) no tin un plan di maneho efectivo pa cu e problema di termento.

Loke ta reforsa e conclusion di e investigacion ta cu maestronan ta bisa cu e problema ta wordo resolvi pero e gran mayoria di studiantenan ta bisa lo contrario.

Mirando e seriedad di e problematica aki, studiantenan di Colegio E.P.I sector Salubridad y Servicio tercer aña di e estudio Welzijn a escohe esaki como thema di nan celebracion di dia di trahadornan na bienestar general. Un dia mas cu celebra , ta pa educa nan studiantenan tocante e problematica social aki y e importancia pa como futuro trahadornan den bienestar general ki rol lo por fungi pa contribui pa un cambio pa cu e problema aki bou nos muchanan.

Algo pa remarca cu a wordo treci durante e dia di celebracion ta cu no solamente e mucha cu ta wordo tenta ta victima pero tambe e terdo ta victima di su propio inseguridad. Esey kermen e momento cu nos kier trece un cambio, nos no por separa ambos actornan den e problema aki. E actor neutral, cual cu enrealidad no ta existi paso pa e simple hecho di no lanta para contra e acto di termento ta duna forsa na e terdo. E actor neutral tin cu wordo motiva pa asina por lanta para contra e actonan di termento cu ta sosode nan dilanti.

Diferente campañanan rond di mundo ta wordo haci, pero cu en realidad cu hopi poco resultado. Cual ta bay back na e poco informacion cu mayornan, maestronan y directornan di skol tin tocante e problema aki. Nos tin cu cuminsa na acepta y realisa cu esaki ta un problema cu tambe ta afectando e desaroya di nos muchanan.

Studiantenan kier convence e personan concerni tocante e importancia di e implementacion di un plan di maneho efectivo pa asina por logra nan meta cual ta pa por crea un ambiente sigur unda cu nan lo por duna nan opinion sin wordo ataca, cu nan por tene cuenta cu sentimento di otro y enfrenta otro si un acto di termento tuma lugar. Pero mas cu claro e cambio por cuminsa na cada un di nos. Mayornan ta mas alerta cu señalnan di termento; maestronan, directornan y miembronan di bestuur di DPS ban cuminsa cu stapnan pa por yega na e implementacion di un plan di maneho cu por yuda na baha termento bou nos muchanan di skol basico.

Comentarionan (2)Add Comment
what goes arond..
March 28, 2013
201.229.56.168
Votes: +2
...

Mi kier sa kiko ta bulling politico...

Studiante
March 28, 2013
201.229.37.228
Votes: +3
...

Mi ta hopi orguyoso di e hoben nan aki, un bon iniciativa pa por implenta un plan di maneho.
Ami como studiante a pasa den bullying ambos banda.. Mi a wordo tenta y mi a forma parti di tentamento!
Tenta ta hasi d**or!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter