Saturday, 29 November 2014
Preclearance di vuelonan di Aruba pa Europa a yega un paso mas cerca Print E-mail
Wednesday, 27 March 2013 16:37
Comparti
DSC_2063
Introduccion di un servicio di preclearance na aeropuerto Reina Beatrix pa vuelonan pa Europa a yega un paso mas cerca. Diaranson e grupo di trabou conhunto, cu a wordo institui dor di gobiernonan di Aruba y Hulanda pa haci estudionan riba e posibilidad di un servicio asina na Aruba, a informa Prome Minister Mike Eman di e ultimo desaroyonan.

Tempo cu e grupo di trabou a cuminsa traha, tabata existi un sorto di skepticismo di banda di Hulanda si e servicio aki tabata algo factibel. Pero danki na sosten di entre otro KLM y Schiphol y e conviccion di e miembronan di Aruba den e grupo di trabou, tur cos ta mustra cu pronto tin luz berde pa e prome fase. E grupo di trabou ta spera cu den algun siman e por presenta su rapport final. “Di loke mi a tende awe, e rapport aki ta bay tin un conclusion positivo”, Eman a bisa. E preocupacionnan cu Hulanda tabatin na cuminsamento, tabatin di haci cu Bruselas. Hopi mester a wordo regla y discuti cu 27 pais miembro pa haya nan asina leu pa de facto traslada e frontera di e ‘Schengengebied’ pa Aruba. Haciendo esaki ta bira posibel cu – mescos ta awor cu vuelonan pa Merca – e pasaheronan cu tin Union Europeo como destino final, por ‘clear’ na aeropuerto Reina Beatrix mes. Di e moda aki nan vuelo ta wordo considera como un vuelo interno y sin mucho perdemento di tempo di tur sorto di control nan por bandona aeropuerto na final di nan vuelo.

E servicio preclearance pa vuelonan Europeo ta wordo introduci den fase. Ta cuminsa cu e parti di control di persona (inmigracion) y den un di dos fase ta sigui e parti di preclearance di maleta. Intencion ta pa automatisa e control di paspoort completamente. Tur hende cu tin un paspoort biometrico mester solamente pone nan paspoort dilanti un pantaya chikito pa despues sigui, a menos nan identidad no ta permiti nan pa sigui. E ora un funcionario di Inmigracion ta atende e pasahero. E intencion ta pa na luna di mei cuminsa cu un proyecto piloto instalando un porta di control na aeropuerto di Aruba. Despues di a tende e bon noticia di e grupo di trabou Prome Minister Eman a hiba un combersacion riba e mesun tema aki cu staatssecretaris Fred Teeven di Siguridad y Husticia, kende tambe a keda masha contento di e progreso cu e grupo a haci. For di un principio Teeven tabata masha entusiasma cu e proyecto aki y a haci su best pa personalmente inspira su coleganan di otro paisnan Europeo pa haya sosten pa e idea aki. Di parti di Bruselas mientrastanto por conta cu tur cooperacion.

”Preclearance pa vuelonan Europeo ta nifica un contribucion importante den fortifica e concepto Gateway Aruba. Nos a mir’e cu e vuelonan pa Merca. Pasaheronan di Latino-America ta scoge conscientemente pa biaha via Aruba pa Merca, evitando asina rijnan largo na Miami. Hende ta experencia clearing prome cu salida menos fastioso cu despues di un biahe largo”, Eman a bisa. E proyecto preclearance ta resultado di un protocol di cooperacion cu a wordo firma dor di Prome Minister Mike Eman y ex Minister Piet Hein Donner na oktober 2010. Den e protocol ey ta pone cu ambos pais ta traha hunto riba base di un situacion win-win pa fortifica otro, dor di entre otro stimula e economia. Hulanda tambe ta probecha si e frontera di Union Europeo bin Aruba. E expectativa ta cu mas pasahero ta biaha pa Europa via Schiphol. “Esaki ta un ehempel con trahando hunto nos por haci uzo di e balor adicional di Reino”, asina Prome Minister Eman a enfatisa.

dowers dowers  

Comentarionan (1)Add Comment
Lourdis
March 27, 2013
190.104.97.175
Votes: -2
...

Okay, si nan por di hacie esaki pa hullanda, mi ta haya cu nan por di bay na Venezuela y puntra nan pa nan trece e tipo di servicio ey na aruba tambe. Pa asina nos tin un pre clearance di Venezuela na Aruba tambe.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter