Tuesday, 30 September 2014
Debra’s Trading cu campaña pa studiantenan Print E-mail
Wednesday, 27 March 2013 17:40

3 [COPY]

Debra’s Trading, conoci pa su excelente variedad di producto, ta lansa un producto nobo riba mercado, esta buscuchi Marilan, cu ta compaña pa un campaña escolar nacional, pa tur e studiantenan di scolnan secundario. “Nos ta kere cu tin espacio den e mercado pa bin cu un producto cu ta brinda un sabor y textura special, cu ta distingui'e di e otro buscuchinan cu ya tin riba mercado.

Buscuchi Marilan ta enfoca pa crea diferente sabor, tamaño y un empake unico", asina Ana Maria Figueroa di Debra's Trading a enfatisa. Eno Classic Whiteboard ta un borchi grandi digital pa uza den klas di scol. Na Aruba tin algun klas cu tin nan caba, cu sin duda a demostra cu e ta masha util y moderno. No ta uza krijt mas, sino un sistema moderno di "touch screen" cu ta brinda e docente y alumnonan un sin fin di posibilidad. Na otro paisnan e borchi aki a duna excelente resultado academico y p’esey Debra's Trading ta mira esaki como un gran oportunidad pa reta nos hobennan pa nan tambe por disfruta di un articulo asina potencial y innovativo den enseñanza,” asina Ana Maria Figurroa a sigura tur presente durante e conferencia di prensa. E campaña sigur lo ta uno hopi atractivo, ya cu e klas ganado lo ricibi un ‘Eno Classic Whiteboard’ pa su scol. ‘Eno Classic Whiteboard’ ta e prome y unico borchi interactivo riba mercado actual, cu tin certificacion di medioambiente y ta combina e simplicidad y comodidad di un borchi tradicional, cu interactividad di rendimento halto, sin waya ni instalacion caro. Un forma mas innovativo pa duna les awendia y sigur ta contribui positivamente na participacion di e alumnonan. Tur scol di nivel secundario por participa y esaki ta conta p’e di 2 y di 3 klas. E campaña ta cuminsa dialuna 8 di april y tin un duracion di 7 siman, pues lo termina diabierna 31 di mei. E temporada aki ta considera como un periodo suficiente pa nos hobennan por crea un arte unico cu e empakenan di e buscuchi Marilan, un arte cu e concepto “Pone curason na bo estudio”. "Inscribi bo klas awe mes y cuminsa brainstorm pa bin cu algo excepcional, uzando e empakenan unico di Marilan. Aparte di e tremendo Eno Classic Whiteboard cu e klas lo gana, cada alumno di e klas cu a participa, tambe lo ricibi un regalo for di Athlete’s Foot, cu ta un tienda masha conoci y bishita pa nos hobennan pa nan kedsnan,” Ana Maria Figueroa a indica. E campaña aki no tabata posibel sin e contribucion di e otro patrocinadornan, cu ta Aruba Bank, Xclusivo Magazine y Magic FM. Buscuchi Marilan ta sobresali pa su tremendo calidad y sabor unico y tin tur capacidad pa competi cu cualkier otro buscuchi di su tipo den cualier parti di mundo. Tur e scol interesa pa participa, por yama libremente na 5884941 y sigur lo tin un representante cla pa contesta tur e preguntanan y pa duna mas informacion.

album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter