Friday, 25 July 2014
Un total di 42% di e personanan cu a haci screening di nan cuero a resulta positivo pa cancer Print E-mail
Wednesday, 27 March 2013 19:51

IMG 5599

Recientemente tabata tin un screening relaciona cu e malesa di cancer di cuero. Ta conoci cu cancer di cuero ta afectando hopi nos poblacion. Nos ta biba den un clima cayente, rondona pa lama y por a constata cu hopi persona no ta haci uso di sunblock. Minister di Salubridad y Deporte, Dr. Richard Visser a declara cu e situacion ta hopi alarmante.

Relaciona cu e screening, cual a ser haci door di specialistanan di cuero manera Dr. Nuris Lampe y Dr. Eugene de Zwart, a screen mas cu 230 persona. E screening a tuma lugar durante dos dia na Playa y na San Nicolas. Minister Visser a duna di conoce cu e personanan cu a acudi pa check nan cuero nan edad a varia entre 18 pa 100 aña. A enfatiza cu 42% di e pashentnan a resulta cu indicacion di cancer. 18%, esta 42 pashent a duna como resultado indicación severo pa tumor di cuero y cerca di 26% ta den estadio pre-canceroso. Banda di esaki ta bon pa tene na cuenta cu tur e personanan cu a participa di e screening ta pashentnan nobo. Mayoría no tabata conciente cu e cambio cu nan a nota riba nan cuero por tabata tin di haber cu cancer. Entre nan, 18% tin indicacion di riesgo hopi halto. Tambe, entre e personanan tin algun caso di Melanoma cu ta e forma mas extremo di cáncer di cuero. Minister Visser ta hopi preocupa y ta haci un apelacion na nos comunidad henter pa ta mas conciente riba e importancia di usa sunblock. Esaki ta conta pa tur edad y color di cuero. Mester bisa cu esnan cu riesgo mas halto pa desaroya cancer di cuero ta esnan di cuero cla. Importante pa tur esnan cu ta traha den solo pa usa paña adecuado pa proteccion. Banda di esaki mester ta conciente cu entre 11'or pa 3'or di merdia ta e oranan di mas peligroso pa expone oranan largo den solo, Minister Visser a remarca. E mandatario ta boga pa prevencion y pesey e uso di sunblock ta indispensable, ademas di e cambio di pensamento den nos poblacion pa evita expone bo mes na solo durante e oranan di mas peligroso.

album album album
album album album

Comentarionan (1)Add Comment
Kwiri
March 27, 2013
201.229.73.144
Votes: +6
...

Pero dikon D.T.I ta keur e tint di e glasnan na banda dilanti af ?? ta parse ku ta nan mes ta dicidi esei mientras ku tin un veredicto den corte ku ta bisa otro ?!! foei D.T.I

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter