Saturday, 20 December 2014
IBiSA ta informa: “Free Pass Work out” ta sigui – Bo ta Bonbini pa Join Print E-mail
Thursday, 28 March 2013 12:55
Comparti
DSC_2063
Instituto Biba Saludabel y Activo ta informa na comunidad di e proximo actividadnan di e programa ‘Free Pass Work out”. Esaki ta un oportunidad cu IBiSA hunto cu e diferente organisacion of Club ta duna na publico pa bin participa na un actividad fisico riba un dia specifico.

Entre otro pa cera conoci cu e deporte, actividad y of organisacion pero tambe e facilidad cu ta ofrece esaki. Tur esaki cu e meta principal pa e persona por haci movecion y keda activo pa logra yega na un estilo di bida saludabel.

E siguiente riba programa di IBiSA ta tuma lugar na ‘Cuts & Curves Gym’ dia 10 di april 2013. For di 5:00 a.m. te cu 9:00 p.m. e gym ta duna oportunidad na publico pa haci uzo di su facilidad GRATIS. Asina ta cera conoci cu e lugar y tambe tur loke e por ofrece pa un persona por practica e deporte di su gusto.

Dia 24 di april 2013 e siguiente ‘Free Pass Work out’ ta tuma lugar na EPB Hato, unda cu e instructora di Zumba Niurca de Cuba ta duna e oportunidad pa publico por join y bin cera conoci cu e Zumbamania cu ta dominado Aruba. Orario pa esaki ta for di 7’or pa 8’or di anochi y tur hende ta bonbini.

Dia 19 di mei 2013, e ‘Free Pass Work out’ ta na “Extreme Training Club” cu ta situa na Oranjestad, e caya di Ladies Choice bin ariba. Orario pa esaki ta wordo anuncia despues.

Dia 22 di mei 2013 ta turno un biaha mas di “Cuts & Curves Gym” pero e biaha aki na Paradera. Orario ta di 5’ or di mainta te cu 9’or di anochi.

IBiSA ta motiva comunidad di Aruba pa tuma e oportunidadnan aki cu ta keda presenta, pa asina por conoce tanto e facilidad pero sigur e deporte cu ta keda presenta durante e programanan di “Free Pass Work out”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter