Friday, 25 July 2014
IBiSA ta informa: Den Volleyball na Boneiro, ARUBA ta bira CAMPEON Print E-mail
Thursday, 28 March 2013 12:57
DSC_2063
Den e deporte di Volleyball e damanan di Aruba representa pa Colegio Arubano San Nicolaas ta sorprende e schoolnan di Boneiro y ta titula campeon, haciendo e ‘Weganan Interinsular’ na Boneiro sigur inolvidabel pa nan.

E prome wega tabata entre Aruba y Scholen Gemeenschap Boneiro Team B. Y aki Aruba ta ‘sweep’ tur dos set cu score di 25-19 y 25-14.

Den e di dos wega e schoolnan di Boneiro ta enfrenta otro y ta duna Scholen Gemeenschap Boneiro Team A gana cu 2 set di 25-11 y 25-9 riba Scholen Gemeenschap Boneire Team B.

Despues a sigui e wega cu tabata entre Aruba y Team A di Scholen Gemeenschap Boneiro. E wega aki a resulta sumamente emocionante y a bay den 3 set, di cual Aruba ta perde e prome set cu score di 14 pa 25. Di biaha den e segundo set, e damanan di Aruba ta reacciona y sali fuerte pa finalmente logra gana esaki cu score di 25 pa 22. E ultimo set a keda bataya punto tras di punto, pero tabata Aruba cu ta logra e puntonan decisivo pa bay cu e set 15 pa 13 y ta gana e wega despues di 3 set completo titulando asina Campeon den Volleyball damas di e ‘Weganan Interinsular’.

Standing Final:

Scholen Gemeenschap Boneiro Team B ta keda na di tres lugar cu 2 wega hunga, tur dos perdi y ningun set na fabor, mientras cu tabatin 6 set den su contra pa un total final di 2 punto. Scholen Gemeenschap Boneiro Team A ta finalisa na di dos lugar cu 2 wega hunga, 1 wega perdi y 1 wega gana, cu 3 set na fabor y 1 set den su contra pa un total final di 4 punto.

Aruba, representa pa Colegio Arubano San Nicolaas ta bira Campeon cu 2 wega hunga, tur dos gana, y 4 set na fabor y solamente 1 set den su contra pa un total final di 6 punto. E hungador mas valioso a keda Afraina Ammerlaan di Colegio Arubano San Nicolaas Aruba.

IBiSA sigur ta contento cu prestacion di e damanan di Aruba den Volleyball durante e ‘Weganan Interinsular’ na Boneiro y ta felicita nan tur hunto cu nan Coach pa e tremendo trabou. Alabes ta encurasha nan pa sigui practica e deporte y mantene nan mes den training pa cualkier otro competencia.

   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter