Wednesday, 20 August 2014
Un Mainta cu nos Grandinan na Museo Arqueologico Print E-mail
Thursday, 28 March 2013 15:16
DSC_2063

Un mainta yena cu storia, sonrisa y orguyo, asina e actividad di Museo Arqueologico Aruba pa e Grandinan di St. Michaels Paviljioen, den cuadro di ARUBA DOET, a bai. Hunto cu voluntarionan regular y nobo, Museo a brinda e Grandinan un guia den salanan di exposicion, na unda e grandinan a ‘steal the show’ door di conta masha hopi di locual nan sa di nos historia y herencia.

Tanto e personal di Museo, como e voluntarionan y personal di Paviljioen a keda gratamente sorpresa pa e entusiasmo y energia di henter e grupo. Danki na Cede Aruba/ARUBA DOET, Museo por a transporta esnan den rolstoel tambe pa disfruta di e exposicion moderno y accesibel den e antiguo compleho di casnan di famia Ecury, na Schelpstraat.

 

Hobennan voluntario, kendenan ta studiantenan di EPI, a intercambia cu e Grandinan na un manera unico e mainta aki. E grupo a haya splicacion y conoce un poco mas tambe di e canoa y artesania Wayuu e mainta aki.


Den e antiguo cas di Shon Rozenberg, caminda despues tabata sitiua un Fruteria, e grandinan, voluntarionan y personal di Paviljioen  a disfruta di un dushi frekedel, pan  bati y sopi pisca.

Museo Arqueologico ta gradici St. Michaels Paviljioen pa ricibi e idea pa e proyecto aki cu man habri, tur e voluntarionan pa a intercambia asina dushi cu e Grandinan y Cede Aruba/ARUBA DOET pa a regala Museo e bishita asina inspirativo aki. Tabata un manera inolvidabel pa cuminza e weekend di celebracion di Dia di Himno y Bandera.

dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter