Wednesday, 23 April 2014
Prome Minister Eman a habri exposicion di studiantenan Arubano di Rietveld Akademie Print E-mail
Thursday, 28 March 2013 15:20
DSC_2063
Na Cas di Aruba a tuma lugar un actividad cultural den forma di un exposicion di studiantenan Arubano di Rietveld Akademie di Amsterdam. E apertura di e exposicion a wordo efectua pa Prome Minister Mike Eman. Ta trata di ocho studiante den diferente fase di nan estudio y incursando den diferente forma di arte.

Premier Eman a expresa su gratitud na e studiantenan hoben y prometedor aki. Den su discurso na esnan presente El’a subraya un biaha mas e cooperacion estrecho entre Aruba y Rietveld Akademie cu ta demostra cu den Reino nos mester concentra ariba e puntonan comun. E cooperacion den Reino no ta unicamente entre Gobierno e instancianan, sino tambe ariba tereno social.

Despues di e apertura e invitadonan a haya espacio pa intercambia cu e studiantenan ariba nan obranan. Natusha Croes, espontaneamente a declama un poesia cu ta hiba e titulo di “Laga e Lastro” y e poeta/escritor Arubano Henry Habibe a comparti detayenan di e investigacion di lieteratura na Papiamento cual dentro di poco lo sali publica.

E ocho studiantenan cu ta participa na e exposicion aki ta Efraïm Angela, Joanie Croes, Natusha Croes, Priscilla Laclé, Kevin Schuit, Robin de Vogel, Jess Wolff y Ken Wolff. E exposicion ta habri pa publico durante e proximo dos simannan den e sala di exposicion “Padu del Caribe” di Cas di Aruba.

dowers dowers  

Comentarionan (1)Add Comment
rufino henricus
March 30, 2013
87.211.57.111
Votes: +0
...

Premier eman tin razon ora eta bisa den su discurso cu ta den reino nos como arubiano mester ta .aruba ban sigi .

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter