Wednesday, 30 July 2014
Europe Meets the Americas a reuni cu consulnan di diferente nacion cu mision na Aruba Print E-mail
Thursday, 28 March 2013 15:25
DSC_2063
Departamento di relacionnan exterior conhunto cu comicion di Europe Meets the Americas a organisa un presentacion encuanto di Europe Meets the Americas pa consulnan y consulnan honorario na Aruba. Parti di e tareanan di Departamento di Relacionnan Exterior ta pa distribui informacion encuanto di eventonan internacional cu ta tuma lugar na Aruba, na consul y consulnan honorario. Esaki ta pa tene nan na altura y tambe pa nan por sostene y yuda promove Aruba riba diferente tereno.

 

Diplomacia Economico:

Gran mayoría di e consulnan honorario a acepta e invitación pa atende e presentación di EMA. Akinan a splica e consulnan honorario e motibo di nan presencia y alaves pidi nan cooperación pa yuda promove EMA den nan netwerk di e pais cu nan ta representa.

Desde algún tempo caba, Departamanto di Relacionnan Exterior ta hasi uso activamente di su netwerk diplomático pa promove e parti económico/comercial di Aruba door di involucra Embahadanan di Reino y atraves di dialogo continuo cu consulnan honorario basa na Aruba of cu tin hurisdiccion pa Aruba.

 

Otro motibo pa hasi e presentación ta pa informa e consulnan di e meta tras di EMA, esta pa crea un “Gateway” entre Europa y Latino America, especialmente pa negoshinan chikito y mediano. E economía di varios paisnan den Latino America a conoce un crecemento económico grandi den en ultimo anjanan y inversionistanan ta buscando lugarnan nobo pa hasi negoshi. Aruba ta fit bon den e maneho ey basa riba su ubicación strategico, experiencia den deal cu Latino America y Europa y experticio riba cierto areanan. E hecho cu Aruba ta conta cu un stabilidad político ta pone cu Aruba ta bira mas atractivo pa inversionista.

Tambe, mirando cu e “Brand awareness” di Aruba como un destinación turístico, ta facilita e creación di otro aspectonan comercial.

E idea ta pa Aruba bira un one-stop-shop pa inversionistanan di Europa y LatinoAmerica.

 

Conferencia di Embahadornan di Reino 5 di Mei:

Departamento di Relacionnan Exterior ta den comunicación continuo cu e Embahadornan di Reino pa asina duna nan información necesario pa promove iniciativanan den reino, entre otro e gran evento ‘Europe meets the Americas’. E strategia di usa diplomacia económico ta pa yuda crea, stimula y sostene interesnan comercial di Aruba door di usa a vinculonan di e embahadornan den e país cu nan ta basa.

Te awo, tin mas o menos 15 Embahador confirma p’e conferencia di Embahadornan programa pa 5 di Mei. Ta spera cu lo yega un 20 Embahador kendenan lo participa después na EMA.

E “Regionale Conferentie KoninkrijksAmbassadeurs op het Westelijk Halfrond” lo tuma lugar den Dr. E. Cheung Centre for Innovation y lo ta un reunión entre embahadornan di Reino Hulandes y Gobierno di Aruba.

   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter