Thursday, 28 August 2014
Gruponan di Districto 1 y 3 di Scouting Aruba a tene nan actividadnan pa Unidad dia 22 y 23 di Maart ultimo Print E-mail
Thursday, 28 March 2013 16:34
DSC_2063
Dia 22 y 23 di Maart ultimo a tuma lugar e actividadnan pa unidad pa tur grupo di districto 1 y 3 di Scouting Aruba.

E prome actividad pa unidad a tuma lugar dia 22 di Maart den e Area di Grapefield den Colony. Akinan e Verkennernan y Explorernan di Unidad Troep y Afdeling di gruponan di districto 1 y 3 di Scouting Aruba a competi contra otro den e wega scout popular: Vlaggenroof.

Esaki siguramente tabata un actividad cu a test e abilidadnan fysico di tur hoben cu a participa. Na final di e anochi e team di Explorers di Grupo Scout St. Paulus-Michael di San Nicolas a sali e team ganador.

Despues di e wega scout tur participante y nan lidernan a comparti un rato ameno hunto (cu algo di come y bebe) caminda e hobennan por a comparti nan experencianan di e wega Vlaggenroof.

Dia 23 di Maart parti mainta nos a sigui cu e di dos actividad cual tabata un Egghunt / Zoo Exploration pa tur Bever di Unidad Kolonie di tur grupo di districto 1 y 3 di Scouting Aruba.

E evento aki a tuma lugar na Philips Animal Garden situa na Alto Vista. Akinan tur Bever a ricibi e oportunidad pa conoce e diferente bestianan exotico cu tin den e Animal Garden.

E bevernan a keda masha impreciona mes cu tur e diferente bestianan cu tin den e Animal Garden y siguramente cu e rondleiding cu a ser prepara pa nan door di Philip Merryweather.

Despues di ricibi e rondleiding, e bevernan a tuma nan break caminda nan a ricibi algun snacks saludabel. Tambe nan por a hunga den e playground.

Finalmente e bevernan a ricibi nan saco pa asina nan bai cuminsa busca webo. E buscamento di webo a bai tremendamente bon. E bevernan a gusta un mundo. Ora di bai cas tur bever a ricibi un saco di mangel den cuadro di celebracion di Easter e siman aki.

Parti atardi dia 23 di Maart nos a ranka sali cu nos ultimo actividad. Esaki tabata un Speurtocht/Egghunt pa tur Welp di Unidad Horde di tur grupo di districto 1 y 3 di Scouting Aruba. Akinan e welpnan a wordo parti den grupo di 6. Despues di esaki, nan a sali for di Plaza Betico Croes direccion Liniar Park. Akinan e welpnan a pose pa saca potret na e logo nobo di Aruba asina cumpliendo cu e prome tarea di nan speurtocht. Despues a sigui diferente post riba e ruta di liniar park caminda nan a hunga diferente weganan activo. E welpnan a goza un mundo. Na final di e ruta tur welp y lider a yega Wilhelmina Park caminda tabata tin algo di bebe y come pa tur presente. Siguramente esaki tambe tabata un actividad caminda un y tur a disfruta y pasa un bon tempo. Total a participa na tur e actividadnan di districto 105 miembro hubenil y lidernan scout di e siguiente gruponan scout afilia na Scouting Aruba, Districto 1 y 3: Grupo Scout Baden Powell di Playa Pabou, Grupo Scout Santanero di Dakota, Grupo Scout Cacique Macuarima di Sta. Cruz, Grupo Scout St. Hyacintus di Savaneta y Grupo Scout St. Paulus-Michael di San Nicolas.

Finalmente nos kier a gradici Hoofdbestuur di Scouting Aruba pa a kere den e actividadnan di districto 1 y 3, nos support team di districto, nos fotografonan y tur mayor cu ta mira e importancia di trece nan yiunan den nos organisacion y na nos actividadnan.

Si lectornan ta desea di ricibi mas informacion tocante scouting of pa inscribi un mucha of hoben entre e edadnan di 5 cu 18 anja pa bira miembro di un grupo scout den bo bario, por tuma contacto libremente cu nos coordinador di districto 1 y 3 na cellular: 5945129.

dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter