Thursday, 31 July 2014
Religion Catolico ta forma e gran mayoria den nos comunidad cu 75.7% Print E-mail
Thursday, 28 March 2013 16:39
DSC_2063
Den e dianan di Pasco Grandi cu ta dilanti di porta, generalmente hendenan na Aruba ta duna mas atencion na religion. Esaki ta un topico cu semper ta capta atencion y hopi biaha ta parti di discusion den nos comunidad.

Indudablemente tin hopi hende ta puntra nan mes con e reparticion ta entre tur e religionnan na Aruba y esaki mirando e hecho cu durante e ultimo decadanan varios religion of denominacion nobo a mira luz di dia den nos comunidad.

Pa haya un bista riba esaki, CBS kier referi na e ultimo Censo di Poblacion y Vivienda 2010, caminda a puntra tur habitante di nos pais cua religion nan ta profesa. Segun e resultado di e Censo aki, e categoria di Catoliconan ta esun di mas grandi cu 75.7%, sigui pa e otro cristiannan cu 6.3%. Remarcable ta cu esnan cu a indica di no tin un religion ta na di tres luga cu 5.6%.

 alt

 

Si tira un bista riba e desaroyo pa loke ta e diferente religionnan na Aruba durante e ultimo 4 censonan, nos ta mira cu desde 1981 pa 2010 e porcentahe di e catoliconan a baha for di 88.5% te na 75.7%. E caida aki pa gran parti ta atribui na e categoria di otro Cristiannan cu ta representa 6.3% di e totalidad.

Otro cu a baha significantemente durante e ultimo decadanan ta e religion Metodista, for di 2.4% na 1981 te 0.9% na 2010. Alabes e porcentahe di esnan cu no tin religion a aumenta for di 1.6% na 1981 te na 5.6% na 2010.

 

 

 

 

 

 

 
 

 

1981

1991

2000

2010

 
 

Catolico

88.5

86.2

80.8

75.7

 
 

Protestant

2.9

2.7

2.5

2.7

 
 

Jehova

1.1

1.3

1.5

1.7

 
 

Metodista

2.4

1.6

1.2

0.9

 
 

Adventista

0.6

0.6

0.8

0.9

 
 

Evangelista

0.6

2.0

4.1

1.7

 
 

Moslim

-

0.3

-

0.3

 
 

Anglicano

0.9

0.7

0.4

0.5

 
 

Hudiu

0.1

0.2

0.2

0.4

 
 

Otro cristiannan

-

-

-

6.3

 
 

Otro religionnan

1.3

1.5

3.9

3.3

 
 

Ningun religion

1.6

2.7

3.9

5.6

 
             

Pues por conclui, cu mescos ta existi un diversidad den e poblacion di Aruba, CBS ta wak tambe – segun cifranan di Censo 2010 – un diversidad grandi den religionnan cu ta wordo profesa na Aruba.

 

 

Comentarionan (10)Add Comment
The Observer
April 02, 2013
201.229.44.107
Votes: +2
...

@Meme; Berdad cu hopi avestruz maligno a infiltra Iglesia Catolico aki na Aruba. Nan ta kere cu ningun hende sa kende of kiko nan ta of kiko na ta purba haci... Nan ta kere den secreto... Nan ta hasta subi altar como si fuera nan no a kibra un kopi... Pero, Dios no ta drumi... Ta pret bo mira con nan ta purba desimula...

The Observer
April 02, 2013
201.229.44.107
Votes: -1
...

@Histariador; Ata un universidad Catolico pa bo: http://www.mtmary.edu/academics.htm Applica pa admishon y habri caminda pa amplia bo conosemento...

Meme
March 31, 2013
201.229.48.47
Votes: +3
...

Full fout! Catolicismo no ta un religion, e ta un PANDIYA di sinberguenzanan abusador mundialmente infiltra.

Histariador
March 31, 2013
201.229.49.87
Votes: +2
...

Cu tin asina hopi catolico tin interpretacion historico. Durante epoca colonial Hulandes, e famianan importante na Aruba tbt tuma over e religion di Cas Real, esta protestante y pa e plebeyonan, e parti servil, insignificante y bobo tbt hanja e religion cu no tbt sirbi, esta esun catolico. Te awe nos por waak cuanto hende bobo tin na Aruba. Check boso historia shonan.smilies/wink.gif

Chandrikapersad
March 30, 2013
201.229.46.116
Votes: -4
...

It is of no use pa basha kritika infunda riba nos religion Catolico. E tei pa keda pa den siglo di siglo nan manera ya e ta desde e comienso 2013 anja pasa. Na caminda tin rumanan den Cristo cu a bula waya pa un of otro motibo y ta keda na cada hende pa scohe e religion of secta cu e tin aprecio pe. Religion Catolico no ta impone nada riba su siguidornan, pero ta laga na kada hende pa nan mes haci nan escogencia. Ta esaki nos creador nos Tata a duna nos - free will - y dia nos muri E lo puntra nos pa nos duna cuenta, e pakiko di nos escogencia y con nos a cumpli cu nos debernan Cristian y Civico.

E Shoco
March 30, 2013
201.229.84.77
Votes: +0
...

Tur hende tin e derecho fundamental di escohe of di tin (of di no tin) su religion, y/of eherce esaki na su manera; un ta mas devoto cu otro. Den un comunidad drechi mester respeta opinion/escohencia di religion di cada uno. Mester stop di ofende otro hende pa motibo di religion. smilies/angry.gif

Un pida
March 30, 2013
190.104.102.149
Votes: -1
...

Ta kende ta esun cu a produci e cos aki nan. Pasobra, seguna ami, na aruba no tin yun catolico. Pasobra tin masha hopi hende cu ta keha di tur cos. Catolico nan no sa keha manera e tipo di hende nan cu ta biba na aruba. Foei. pa boso nan.

Infernalistico
March 29, 2013
201.229.48.79
Votes: -2
...

Bo por tin hasta 100% catolico pero shonan nos por constata tur dia cu nos Pueblo ta birando dia pa dia MAS materialista, mas fornicador, mas droga, mas enganjoso, mas hurtador, mas faltante di respet, esey ta nifica cu e relgion catolico cu nos tin no tin NIUN influencia riba su seguidornan y e'n ta stranjo si nos ta waak e ESCANDALONAN diario cu ta sali foi e cuna di nos religion. Awe, Diabierna Santo, tanto HIPOCRITA ta cana Caminda di cruz pa atardi haci vies, buracheria y vulgar cant'i laman. Aruba, One Novela Island! You guys think you can fool God?, well think twice! Boso 'alabanzanan y oracionan' hipocrita ta yega te plafond di misa y ta wordo canaliza p'e dios di e mundo aki. E Dios berdadero su Reino no ta riba e mundo aki!smilies/wink.gif b'a catch?

googleuser
March 28, 2013
201.229.78.44
Votes: +9
...

mester ta Testigo di Jehova, no Jehova. Jehova ta NOMBER di e unico Dios berdadero.

ban serio
March 28, 2013
201.229.9.130
Votes: +10
...

E 24.3% TAMBE ta conta!!!!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter