Friday, 24 October 2014
Cuerpo di Bombero ta completamente ekipa pa cualkier eventualidad Tur truck di bombero ta den funcion optimal Print E-mail
Friday, 29 March 2013 08:43

Truck Bombero (9) (Medium)

Por a tuma nota di informacion eroneo cu a wordo publica , caminda cu a publica cu Aruba ta den peliger pa motibo cu dos truck di Cuerpo di Bombero no ta den funcion y cu no tin truck disponibel.

E informacion aki no ta cuadra cu berdad y ta wordo desmenti categoricamente. Ningun momento Aruba tabata den ningun forma di peliger pa motibo di falta di ekipo di bombero. E informacion corecto ta cu un di e trucknan a wordo para pa asina por reemplasa e brakepads y sistema di brake di e wielnan patras mirando cu esaki a bay por completo. Un investigacion ta andando pa mira kiko lo por a sosode pero e resultado inicial ta indica dos posibilidad esta cu posiblemente lo ta trata di un fayo di fabrica of cu a maneha e truck riba rem. Consecuentemente esaki lo a gasta e sistema di brake di e wielnan patras por completo. Remarcabel ta cu e brakepads di e wielnan dilanti no ta gasta y ta den bon condicion. Investigacion lo divulga si ta trata aki di un fayo di fabrica , di un eror humano of un of otro forma di sabotahe. E piesanan nobo ya a wordo instala riba e truck AS1, esaki ta nifica cu pa awe diahuebs anochi, TUR TRUCK di brandweer ta den operacion. E di dos truck tin un pomp cu mester a haja un ahustacion riba dje y ta bek den servicio. Brandweer ta equipa pa cualkier caso cu por presenta. Den combersacion cu miembronan di bombero a confirma cu tur truck di bombero ta pasa den un control y mantencion rutinario. Cuerpo di bombero ta conta cu mecanico y assistent mecanico bon capacita cu experiencia extenso pa garantisa bon mantencion di e trucknan y siguridad di e manehadornan. Ta di lamenta cu tin miembro den prensa cu ta scoge pa lanta calumnia y fomenta spanto y angustia sin base den pueblo. Aruba por ta sigura cu su Cuerpo di Bombero, kendenan por cierto algun luna pasa a ricibi un cantidad grandi di material nobo, ta completamente capacita y bon entrena pa enfrenta cualkier calamidad.

album album album
album album album
album album album

Comentarionan (3)Add Comment
realidad di bida
March 30, 2013
201.229.117.27
Votes: -4
...

E hecho cu e 2 vehic*lonan ta para bow di werkplaats y cu e mecaniconan ta trahando riba nan ya ta un indicacion cu e vehic*lonan aki tin problema.
Peor ainda cu e vehic*lo ta parkeer cu su cara (dilanti ) bow di e werkplaats. E no por sali pa un emergencia asina ey !
Esaki ta pa e brilnan di palo di e partido den gobierno!

Justicia
March 29, 2013
201.229.27.18
Votes: +14
...

Nan ta baas den tira algu den laira i causa sensacion,mescos cu partido gil sa hasi.

Chomois
March 29, 2013
201.229.73.27
Votes: +22
...

Si, un website di noticia (awe......)cu ta yama su mes "specialistanan den reporta y analisa noticia......" ta specialista den trece noticianan fo'i sla y eroneo. E medio chiripero ey, cual alavez ta demostra su color politico (anti Gobierno/AVP), ta campeon tambe di pone noticianan djies pa "jena" nan pagina, manera por ehempel: "Vehic*lo a reverse den parkinglot sin paga tino y a rasca un otro vehic*lo (anto cu un monton di potret)"; "Vehic*lo a dal tras di otro vehic*lo cu tabata dilanti di dje.... (boshi potret atrobe, mientras ta un rasca chikito e bumpernan a haya)". Nan ta campeon tambe den redashi, style di "E di cu nan di....etc." smilies/wink.gifsmilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter