Saturday, 01 November 2014
Aruba preparando pa haci tur bus electrico Print E-mail
Sunday, 31 March 2013 14:09

Bus 4

Interesante den e seminario “Investment Opportunities in a sustainable Aruba” organisa dor di Carbon War Room, partner di Aruba den e maneho pa bira totalmente sostenibel, ta e participacion di companianan di diferente ramo pero tur dirigi riba maneho sostenibel.

Frank Rieck ta den Hunta di e compania cu ta desaroya Bus Electrico. E bus electrico cu a wordo exponi ta uno cu tin tres aña caba ta wordo uza den rutanan di Rotterdam. E vehiculo tin un revolucionario “view motor”, crea door di companianan Hulandes mes. Rieck a participa den e ultimo Green Conference, unda cu el a scucha cu un di e preocupacionnan ta tin biaha ta crea demasiado energia y no tin manera pa warde. Ey a surgi e idea pa haci e busnan di Aruba di uzo electrico. Esaki ta nifica cu anochi nan ta wordo carga cu energia di biento y core cu esaki den dia, den forma “Zuinig”. E airconan di e busnan lo wordo suministra cu energia cu ta haya for di panelnan solar. For di e momento ey a surgi e idea pa e companianan Utilities, WEB, Arubus y De Palm Tours traha hunto pa logra yega na e momento cu tur nan busnan ta electrico. Tambe e intencion ta pa yega na un acuerdo cu fabricante di e busnan pa nan manda “kit”nan completo di piesa di e vehiculonan aki, pero electrico, cu lo hinca den e motornan. Esaki ta nifica cu no solamente ta crea energia duradero pero ta uza transporte duradero tambe. Esaki ta un formula, cu si e resulta exitoso, por uza Aruba como hub pa manda e componentenan aki pa paisnan di Latino America cu kier uza buznan electrico. Ta simplemente saca nan motor di combustibel y pone otro den dje. Pa e plan por wordo ehecuta, e partidonan mester traha den forma estrecho cu otro y logra cu pa otro aña tur e busnan na Aruba ta electrico. Tur e participantenan den e seminario, teni na TU Delft, por a disfruta di un trip den e bus aki.

album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter