Monday, 21 April 2014
Deltares ta conseha Aruba pa pensa tambe riba almacenahe menos costoso di energia Print E-mail
Sunday, 31 March 2013 14:15

IMG 4679 Medium

Un grupo grandi di compania a manda nan representante pa participa den e seminario organisa door di Carbon War Room hunto cu Aruba riba e tema di “Investments Opportunities in Sustainable Aruba” cu a tuma luga na Hulanda.

Presidente di Carbon War Room tabata presente, hunto cu Prome Minister Mike Eman pa splica kico tur loke ta wordo haci y cual ta e meta cu kier alcansa. E ehecutivo Ivo Pothof di e compania Deltares, cu ta specialisa den “Industrial Hydrodynamics” y unda e ta ocupa e funcion di coordinador di energia renovabel, a haya e presentacion hopi interesante. Pero toch el a sinti falta, den e discusionnan, formanan pa warda energia. A menciona of a papia riba energia electrico, cu ta esun mas uza, pero na su opinion, pa warda esaki den forma di awa ta hopi mas barata y eficiente. Y e mesun forma e ta kere por wordo haci cu energia termico, door di laga “coolmachine” draai na momento cu tin hopi biento of tin hopi solo, na momento di crea energia duradero, y warda esaki den tankinan di awa friu of den ijs. Mester crea un red di sistema di refrigeracion pa districtonan. Di e forma aki, e ta bisa, por spaar masha hopi mes den e gastonan di coriente, e tin suficiente espacio. E ta un tecnologia proba caba y loke ta trahando ainda riba dje, ta e parti con pa haci uzo di dje. Na final el a indica cu nan tin suficiente experticio den cas, pa por colabora cu Aruba den e formulanan nobo aki. E ta haya e maneho di Aruba pa traha riba energia duradero hopi positivo y ta conseha e pais, no pensa solamente riba e producccion pero tambe formanan di almacenahe mas facil y barata. Principalmente ora cu tin produccion di mas y cu mester un forma pa warde.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter