Friday, 31 October 2014
Aruba Ta Subi Otro Trapi Tecnologico cu NOSCARA un publicacion netamente Arubano riba internet Print E-mail
Monday, 01 April 2013 09:32

noscara

Ta un echo cu nos mundo a bira un mundo tecnologico y cu nos estilo di bida a cambia drasticamente. Antes pa por a comunica cu un hende nos mester a busca un telefon fiho conecta riba un netlijn. Awe, e telefon mobil, e cellular a bira algo comun y coriente. Pero, tin un medio digital cu ainda ta poco usa, aunke e ta creciendo rapidamente y na Aruba nos no ta kedando atras. Por ehemplo, si nos kier un buki of otro material informatibo pa lesa, nos ta buska esaki riba reki di sea e Biblioteca of di un establecimento cu ta bende esakinan riba nan rekinan. Lesamento di buki of otro material informatibo, manera revista ta birando mas y mas usa mundialmente riba internet. Esaki no ta tanto conoci pa nos ainda, of sea, nos ta haci masha poco uso di e metodo di haya informacion divertido aki. Esaki ta bay cambia masha pronto! Un grupo di hobennan local a decidi pa crea un fuente di informacion divertido acaparando e tecnologia moderno cu ta na nos alcanze diariamente. Haciendo uso di e poder di e internet, e hobennan aki ta introduci Aruba na un revista netamente Arubano, den nos propio idioma Papiamento. Enbez di bay na un boekhandel of supermercado pa busca un magazine (revista) y paga un suma halto pa esaki, awor en adelante bo por simplemente primi un buton riba bo computer y haya acceso, gratuito, na bo revista cu lo contene tur sorto di informacion divertido, social y educacional! NOSCARA ta un revista super moderno, informativo, divertivo y hasta interactivo riba internet! Esaki ta berdaderamente un aspecto mas den e tecnologia innovativo pa Aruba! Nos conoce corantnan riba internet, y noticieronan riba internet, pero awor nos ta bay tin tambe un revista riba internet! E produccion di NOSCARA ta den mannan di hobennan y otro expertonan Arubano y lo brinda nos comunidad un produccion moderno, y masha profesional. E revista lo contene un seccion pa cada aspecto di nos bida. Por ehemplo, lo tin un seccion pa salud, pa deporte, pa actividadnan social, pa educacion, etc. Sin mas, di loke nos a mira di NOSCARA, e ta bay haya un lugar importante den nos lesamento diario! E aspecto interactivo di NOSCARA ta algo sumamente interesante caminda cu lectornan lo por reacciona riba loke nan ta lesa y duna nan sugerencianan y of comentarionan. Nos kier yama un caluroso bonbini na e initiativa aki y desea e team tras di e projecto innovativo aki hopi exito. Aruba sigur lo beneficia grandemente cu e adquisition aki riba internet! Por bishita NOSCARA riba www.noscara.com desde awe caba!

Comentarionan (1)Add Comment
CzyberX
April 01, 2013
201.229.30.141
Votes: +1
...

Hopi Gr8! Masha Pabien.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter