Wednesday, 03 September 2014
Director di Hospital dr. Jaime Falconi a nenga totalmente cu tin deal cu Slotevaart Hospital Print E-mail
Monday, 01 April 2013 15:27

Falconi

Na Hulanda e dama na cabez di Slotevaart Hospital ta den noticia mirando su suspension. Prensa Hulandes a haci e publicacion aki for di 20 di Maart caba. Nan a pone tambe un potret di e famia di directora y su partner cu ta minister Richard Visser. MEP, partido di oposicion ta insisti cu Aruba tambe tin deal cu e hospital aki. Gobierno a nenga esaki totalmente.

Pero asina mes MEP ta keda trece informacion eroneo dilanti, y pa e motibo aki a acerca director di Hospital dr. Horacio Oduber, dr. Jaime Falconi. Aki e director mes ta splica si nan no sa nada di e hecho aki, pero nan a wordo confronta cu e noticia ora el a wordo yama pa cierto periodistanan indicando cu algo a sali publica den corant, pero enfaticamente el a bisa cu Hospital dr. Horacio Oduber no tin nada di haber cu esaki. Director di Hospital a mustra desapunta cu Slotevaart Hospital ta bin den mal picture pasobra e ta un bon hospital, fuera di loke por wordo bisa, y un di esnan di mas renombre na Amsterdam. Director Jaime Falconi a bisa cu si tin algo entre Slotevaart y gobierno den e caso aki cu Minister Visser nunca el a ser informa, den e aña y mey cu e ta como director. Director Jaime Falconi a splica cu Hospital dr. Horacio Oduber tin deal cu otro hospitalnan di Hulanda, pero no cu Slotevaart. El a splica cu den pasado cu un hospital na Helmond, pasobra ta busca pa tin un entidad cu por discuti y tin intercambio cune, pasobra semper ta importante pa tin bon cooperacion. Si tin un MOU cu Vrij Universiteit, y esaki pa motibo di e ensenjanza cu mester tuma lugar, na prome e docternan cu ta cabando nan estudio, e co asistentenan, y di otro banda pasobra VU tin un parti cu ta encarga cu ensenjanza di enfermero, cu ta Amstel Akademie. Nan ta yudando for di basta tempo cu specializacion di cierto enfermeronan na Aruba. Aworaki tin un grupo di enfermero cu ta cabando nan opleiding den dos specializacion, y na mei VU ta biniendo atrobe pa yuda Hospital manera a sosode den pasado, pa duna opleiding na enfermeranan specializa den dialyse y tambe den Kiderafdeling y Verloof. Dr. Jaime Falconi a splica cu tin studiantenan di medicina di VU cu ta trahando na Hospital dr. Horacio Oduber y e ta bayendo biento en popa. Pa loke ta parti di cooperacion Hospital ta hopi cauteloso den esey pasobra hopi biaha e ta costa placa, y Hospital ta prefera di hinca e placa den e cuido di pacient den nos mes hospital. Si ta necesario pa inverti den cooperacion, prome ta traha un bon plan cu ta ser presenta na raad van bestuur prome cu tur cos y na raad van toezicht. Esaki ta proceduranan cu ta sigui den cas.

Comentarionan (3)Add Comment
Save your nonsense
April 02, 2013
201.229.16.39
Votes: +8
...

Corda paga bo fout nan cu boso ta haci cu patient y stop di uza patient als excuse pasobra ora un patient bai busca su derecho e no ta hanja cooperacion/ Y e klacht funtionaris no ta functiona /Den e caso aki benefit friend ta hunga un roll den e cos aki...Awe endia e hospital ta mas bon den con pa deffende su mes contra un patient cu cura un patient...Time will tell...

... Low-rated comment [Show]
... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter