Saturday, 23 August 2014
Segun Javier Ras di Rode Kruis: Satisfecho cu e campamento na San Nicolas a bay bastante keto Print E-mail
Monday, 01 April 2013 16:20

Cruz Cora Semana Santa (6) (Medium)

Den entrevista cu Javier Ras, zonen leiden di Rode Kruis na San Nicolas, a splica kico tabata su tarea durante e campamento na San Nicolas den Semana Santa. Javier Ras a splica cu nan ta hopi satisfecho pasobra na San Nicolas mescos na Eagle el a bay bastante keto.

Aki aya nan a haya algun pacient pa yuda. El a splica cu nan a haya cu hende cu rasca abao di pia y hopi hende cu a trapa riba bushi den lama. Rode Kruis pa loke ta e casonan aki, e mes no a transporta ningun hende pa centro medico. Ambulance si a transporta un par di hende y tin caso di hende cu nan mes ta yega canando na e post. Javier Ras a splica cu e por a compronde cu na Playa nan total 25 pacient a ser hiba na eerste hulp, entre diabierna cu diadomingo. E post di San Nicolas a habri for di diabierna mainta 10’ or y el draai 24 ora te cu dialuna anochi pa 8.00 or. A atende 59 pashent. Durante tur e dianan aki tabata tin warning cu lama lo a bira un poco druk y dialuna mainta Rode Kruis a confronta cu lama a subi tera na haltura di Baby Beach, y mester a asisti un par di hende den tent eynan pa wak si mester evacua nan, pero tur cos a bay bon, ya cu algun hende a dicidi di move riba nan mes y tin otronan a dicidi di keda. Rode Kruis a haya sosten di Albo pa loke ta containernan, generator via Kustwacht, y nan mes tin un tent di marina, pa set nan post na San Nicolas. Ras a splica tambe cu nan ta keda den bon contacto cu otro teamnan manera Brandweer y Polis. Na Playa Brandweer a comparti e post di Rode Kruis mes, pero na San Nicolas nan a bay apart. Total 24 hende di Rode Kruis tabata activo riba pia e dianan aki pa cubri Playa y San Nicolas (12-12). Na San Nicolas 9 a traha mainta y 3 atardi y den e post akinan a keda 4 hende di anochi te su mainta. Tambe nan tabata tin dos bicicleta na Eagle y na San Nicolas y ademas un pick up. Na Eagle nan a usa un ambulance di IMSAN y na San Nicolas nan a stand by cu e ambulance di Rode Kruis mes.

album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter