Tuesday, 23 September 2014
Cuerpo di Polis di Bario a cuminsa wordo amplia Print E-mail
Monday, 01 April 2013 16:23

Michael Croes y Johnny Henriquez Barrio Regisseur-1 (1) (Medium)

E seccion di Polis di Bario a conoce un ampliacion, cu adkisicion di dos Polis di Bario nobo cu a cuminsa funciona dia prome di april. Den combersacion cu Johnny Henriquez, el a splica cu Aruba a haya entrante prome di april dos Polis di Bario nobo y nan trabou lo ta concentra den bario no. 1 cu ta Playa.

Henriquez a splica cu recientemente a keda finalisa e grupo di persona cu lo bay traha den Polis di Bario. Un di esnan cu a cuminsa funciona entrante dia prome ta Maikel Croes. E funcionario nobo lo bay traha hunto cu e otro Polisnan di Bario di Playa, cu ta dispone di varios funcionario pa motibo cu ta trata di un bario basta grandi. Croes a splica cu e lo cana inicialmente cu e Coordinador sr. Henriquez pa conoce e zona den cual e ta bay traha. El a cuminsa funciona parcialmente den e periodo di campamento. Distrito di Oranjestad ta parti den seis seccion pa cual lo mester di seis Polis di Bario, sinembargo aworaki tin solamente tres funcionario den funcion. Esnan cu mas necesidad den Oranjestad, ta pa e area di Bushiri unda, segun sr. Henriquez, unda tin hopi problema social. E ta un area caminda Polis di Bario y oitro instancianan mester traha hunto pa cuminsa atende e problemanan aki. Tin hobennan cu mester wordo atendi. Tin Sero Patrishi, unda tin hopi negligencia di parti di mayornan pa cual e Polis di Bario ta bay haci un trabou importante, pero mester di ayudo di otro instancia pa hasta educa e mayornan. E trabou ta hopi, Henriquez a admiti, cual ta haci cu e funcionarionan mester bay concentra mas riba e prioridadnan. Algun di e problemanan aki ta e robonan den cas, hobennan laat riba caya, bendemento di droga den bario, robo di auto na casnan. Y den esaki e habitantenan tambe ta hunga un rol importante.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter