Wednesday, 22 October 2014
Campistanan a cumpli cu reglanan extra poni pa area patras di Surfside Marine Print E-mail
Monday, 01 April 2013 16:45

Johny Henriquez Campamento Linear Park (4) (Medium)

Den un entrevista cu e Coordinador di Polisnan di Bario Johnny Henriquez, relaciona cu e accion cu nan a tuma den e area di Surfside parti pabao, durante Semana Santa. El a splica cu el a haya opdracht pa regla e parti di campamento caminda cu Linear Park ta, y mirando tur e construccionnan adicional cu a bin, mester a bin cu algun regla extra. Cu suficiente tempo, Henriquez a reuni cu tur e personanan cu a pidi vergunning y cu mas cu 200 hende cu ta keda campa, y a stipula sitio y a numera nan na estilo kavel di carnaval, y esey a funciona hopi bon mes. Johnny Henriquez a bisa cu nan a pidi cooperacion di DOW pa pone baricada, pa educa e hendenan pa no para riba e aceranan di Linear Park pa yega mas lihe na nan tent, pa no haci destruccionnan innecesario. El a haya bon cooperacion di DOW y e ta hopi gradici cu nan pa cu esaki. Henriquez a splica cu el a duna DOW un ehemplo pa den futuro nan bin cu un idea creativo pa evita cu e hendenan bin para eyriba. DOW claro cu no ta bay laga e baricada eyriba, nan ta kita nan bek, y e hendenan cu ta campando, por bolbe usa e acera pa subi auto pa nan yega na tera, pero Henriquez ta kere cu e grupo aki ta uno cu a adapta hopi lihe na e reglanan adicional cu nan a haya cu nan vergunning, y cu no tin otro caminda caminda a pidi strictamente pa nan no para riba acera di Linear Park, pasobra polis di bario lo haya nan mes obliga di boet nan. E campistanan mes a gusta e sistema y nan a respete. El a splica cu Linear Park ta yen di stacionamento cu esnan cu ta campa por usa y carga nan cosnan te nan tent. Tin yen di mucha cu a bin cu nan bicicleta y cu por a recrea riba e areanan pa cana di Linear Park, loke ta hopi bon mes segun Henriquez. No a permiti den e area ey pa bin cu trailer pero tent so manera campamento tradicional. Henriquez a splica cu nan tabata tin wowo skerpi riba e campamento y tambe e bishitantenan pa wak pa nan no para auto caminda no mag, pero e comportacion tabata bon, hasta esnan cu ta haci toiletnan limpi a para nan auto na canti caminda maske nan a usa un slang mas largo.

album album album
album album album
album album album
album album album
album album album
album   

Comentarionan (3)Add Comment
chubato
April 01, 2013
201.229.74.191
Votes: +0
...

No ta di awo hende ta campa eynan bo no por stop hnd di campa un caminda djies pa un co asina!!!

batman
April 01, 2013
190.104.102.89
Votes: +1
...

sigi,asina, no ora tin dianan special so, hopi bon trabow. mester cuida loke nos ta inverti den nos isla.

Arubiano Realistico
April 01, 2013
201.229.12.120
Votes: +6
...

Shonnan, e lugar aki NO ta un lugar adecuado pa campa.
Aunque a pone baricada pa stroba autonan subi e aesera di Linear Park tur auto a bay para ariba asera otro banda di caya.
Fuera di esey tur e tentnan cu nan hoki di wc ta un bista masha mahos.
Mester stop di permiti campamento banda di Linear Park, laga esaki pa lugarnan manera Eagle Beach, Arashi, Baby Beach etc.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter