Saturday, 25 October 2014
Segun Duijneveld: Chauffeurnan di Arubus a bira victima di un sistema nobo cu no a funciona Print E-mail
Monday, 01 April 2013 16:49

Edwin Duijneveld002

Segun Abogado Edwin Duijneveld, su clientenan cu a wordo retira for di Arubus, simplemente a bira victima di un sistema introduci door di Arubus cual no ta funciona manera debe ser.

Den Corte, el a bisa den un declaracion duna, el a logra prueba cu e sistema nobo no ta funciona y cu hasta ta uzando awor e mesun sistema bieu. "Miyones di florin cu a wordi paga na e compania Spaño, a bay perdi," e Abogado a indica. Den corte tabata tin un caso cu trahadornan retira na Arubus a entama. E tin di haber cu placa cu no tabata klop y parce cu e asunto aki lo tabata pasando algun tempo. Te hasta a adverti e trahadornan pero parce cu no ta tur e scucha. Despues retironan a cay den forma masal. Un grupo a dicidi di bay Corte contra nan retiro. Abogado Duijneveld a splica cu ta un hecho cu un parti di e sistema nobo, cu a costa miyones, no tabata funciona. For di prome instante, e Abogado a splica, e chauffeurnan tabata tin problema con pa traha cu e sistema nobo y e problema ta asina grandi cu awor Arubus a bay na e sistema bieu bek. "Pues placa tira afo," e ta bisa. Duijneveld di su banda a bisa cu e ta kere cu ora ta retira un grupo asina grandi di empleado y ta acusa nan den prensa di ta malversa placa of di ta ladron, e miho caminda pa cana den un caso asina ta pa entrega un keho na Ministerio Publico. Den e caso aki e ta kere mas bien e chauffeurnan a bira victima di un sistema cu nan no por adapta nan mes na dje na tempo y aunke Arubus ta bisa cu e sistema ta uno tremendo, nan por a prueba e fayonan cu e tin den Corte. A mustra con e computer ta calcula un suma cu no ta cuadra, pues e no ta perfectom, y hasta a deduci placa for di carchi cu no tabata cuadra. Por ehempel for di muchanan di scol tabata kita placa extra pasobra e ta registra cu el a wordo uza den vakantie, siendo cu esey no ta e caso. Aunke Arubus ta bisa cu tur esaki a wordo regla, tin mayornan ta bisa cu esey no a sosode ainda. Tambe el a cuestiona e hecho cu a presenta den Corte cu un rapport riba destruccion di e camera den bus, haciendo comosifuera ta e empleadonan ta responsabel pa e destruccion. Esaki ta inaceptabel, y si tin prueba, mester bay Ministerio Publico pa esaki tambe. Pa colmo un par di e chauffeurnan retira, tabata djis yuda Arubus pasobra tabata sperando riba nan bus pa bay cuminsa core riba nan mes. El a splica di e 44 chauffeurnan di linea, 33 a haya nan mes den problema cu e sistema nobo. Tin cu pa miedo a dicidi di pone placa pa no haya nan mes den problema. E empleadonan a pidi pa nan sigui haya nan salario mientras cu tin un decision final den un caso di bodemprocedure. Dia 17 di april lo dicta fayo den e caso aki.

Comentarionan (6)Add Comment
moneylar
April 02, 2013
201.229.74.183
Votes: +5
...

E trahadornan aki a kere cu e sistema sea no tabata funciona bon of tabata laga luga habri pa echa baina....... Hopi di nan ta biba na grandi, den luho...... smilies/wink.gifsmilies/wink.gif

happygreen2013
April 02, 2013
201.229.25.148
Votes: +4
...

Sinberguenza ,ta cua victima nan bo ta papia/????/ di esnan cu bo a horta nan placa pa traha nan cas,door di tuma nan placa si cumpli cu nan?????? bai ta sinberguenza

... Low-rated comment [Show]
Chomois
April 02, 2013
201.229.77.29
Votes: +16
...

Pa esnan cu no ta kere of cu tin duda, lesa e artic*lo aki riba pagina 2 di AweMainta di awe 2 di April 2013:"Awe Corte lo trata peticion di bancarota di Compania di construccion di conocido abogado Edwin Duijneveld". Of check e link aki di AweMainta.com : http://issuu.com/awemainta/doc...ipBtn=true
E pregunta ta keda: E persona aki ta di confia? smilies/wink.gif

Chomois
April 01, 2013
201.229.80.106
Votes: +17
...

Tin abogado tambe cu no ta funciona, door di hinca su mes den tur clase di actividad, negoshi etc. smilies/wink.gifsmilies/angry.gif

Pueblo na Pecho
April 01, 2013
80.56.81.30
Votes: -1
...

Sistema nobo cu no ta sirbi. Wel e bus nobonan qki ta hasi mucho boroto y tambe e trapi pa subi y baha ta mucho halto, vooral pa hende di edad.
Mi sa cu tin hopi reclamo di e cuentanan aki, pero nada no ta wordo hasi. Of laga gerencia duna un comentario riba e saki.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter