Friday, 22 August 2014
Preparacionnan ta andando pa cu nos gran celebracion di diamanta. Print E-mail
Monday, 01 April 2013 17:03

reina di carnaval

Diferente comisionnan di SAC cu ta traha na bienestar di Aruba su carnaval a cuminsa reuni caba for di despues di carnaval 2013, pa asina cu cuaresma pasa por cuminsa formalisa nan encuentronan cu demas personannan, gruponan, interesadonan etc.

Comision di eleccionnan di Reina ta un di e comisionnan cu ya caba tabata tin diferente encuentro entre su miembronan pa asina cuminsa na evalua e ultimo eleccionnan y trece diferente sugenrencia, cambio y ideanan nobo pa loke ta trata eleccionnan di Reina pa Aruba cu Carnaval nr 60. Manera cu nos a cuminsa na 2011 cu encuentronan cu entrenado, persona cu ta yuda candidata y tambe lider /representante di grupo di carnaval cu ta manda candidata pa eleccion di reina, a ripiti e encuentro aki na 2012. Pa 2013 nos lo ta bay tin nos prome encuentro cu tur esunnan cu ta interesa pa tur loke ta trata eleccionnan di reina. Esaki lo sosode riba diaranson 10 di april 2013 pa 7:30pm te cu 10:00pm den sala di reunion di edificion di Cruz Cora Aruba.(edificion di Cruz Cora ta keda parti pariba di oficina di SAC). SAC y Comision di eleccion di Reina ta spera tur entrenado, lider di grupo, representante di schoolnan cu ta manda candidata pa eleccion di reina pa ta presente e anochi aki pa asina hunto lo repasa riba tur e reglanan y tambe ideanan nobo pa loke ta eleccion di Reina di Aruba su Carnaval. Tambe lo ta bay tin representante di Teeze International cu lo presenta e linea cu make up y tambe lo tin demostracion pa tur presente. Por confirma bo presencia por mail na sacaruba@yahoo.com Diaronason 10 di april 2013 pa 7:30pm-10:00pm den sala di reunion di Cruz Cora Pedro Gallegostraat banda di oficina di SAC

Agenda ta manera ta sigui:

1. Apertura

2. Reaccion riba eleccionnan di Carnaval 59

3. Presentacion di reglanan pa elecion di Reina pa Carnaval 60

4. Ideanan nobo pa cu elecion di Reina di Aruba su Carnaval

5. Fechanan tentativo pa elecionnan di Reina pa Carnaval 60

6. 9:00pm – 10:00pm demostracion di representante di Teeze International cu e linea di make up y tambe uzo di algun ideanan nobo di uzo di colornan carnavalesco

7. clausura

Stichting Arubaanse Carnaval

Franklin A.G. Ridderstaat (Rene)

Secretario                                                                                                                                                                                                          Carnaval di Aruba, si ta Carnaval

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter