Tuesday, 21 October 2014
Durante e Asamblea General ATIA a instala su directiva nobo y oradornan invita a elabora riba e futuro di comercio na Aruba Print E-mail
Monday, 01 April 2013 19:06

front

Recientemente e di 67 asamblea general di ATIA a tuma lugar na Surfside Marina. Esaki a tuma lugar entre miembronan di e organisacion cu a vota unanimamente pa e directiva nobo di aña 2013-2014. Un miembro den directiva di aña pasa a baha y a habri caminda pa un miembro nobo. Ta trata aki di un cara no desconoci y cu experencia caba den ATIA, sr. Michel Henriquez.

Erin Croes a baha y ATIA ta gradici Erin pa e tempo, dedicacion, y trabao realisa durante su participacion den e directiva. E miembronan di e directiva nobo ta conta actualmente cu 11 miembro procedente di tur segmento den nos comercio y ta consisti di Ronnie van Trigt (mantencion), Roland Croes (comunicacion), Enrique de Cuba (recurso humano), Jim Hepple (turismo), Marcelline Richardson (banco), Annemarie Verblackt (legal), Nicole Baptista (finance y accounting), Prakash Gupta (seguro), Jimmy Partodikromo (construccion), y Mike de L’Isle (transportacion). Oradornan y e futuro di comercio di Aruba Tambe e anochi aki tres orador a trata diferente tema cu ta relaciona cu e futuro di e isla Aruba. E oradornan a representa tres angulo pa cual kiko e vision di comercio lo mester ta na Aruba. Javier Sint Jago di TNO a splica di su dos logronan den su carera professional, cual ta su rol como manehador di Nuna – un auto solar – di cual a sali number 2 di mundo. Y su otro logro di a crusa oceano, di Hulanda pa Aruba den un boto solar. Dos logro cu na inicio tur hende a duda y tabata skeptico. Pero e anochi di AGM e por a comparti e resultado final y positivo cu e miembronan di ATIA. Sint Jago su mensahe ta: durf di kere den e imposibel. Sint Jago kier pa su siguiente y di 3 storia exitoso ta: hasi Aruba Green! Conhuntamente cu inversionistanan y comerciantenan di Aruba lo kier traha duro pa logra esaki. Sra. Marcelline Richardson, managing director di Aruba Bank a papia di Corporate Social Responsibility (CSR) y con importante esaki lo bay ta pa industria na Aruba. Companianan na Aruba no solamente mester enfoca riba maximalisa ganashi, pero lo mester por carga mas responsibilidad pa nan accionan stimula impactonan positivo na nos naturaleza y comunidad en general. Esaki por sosode via empleadonan, consumidornan, stakeholders y tur otro miembronan den comunidad. E ta importante pa companianan na Aruba participa den e careda di CSR. No ta importante pa bo gana, sino mas bien contribui na comunidad en general y semper keda persisti tambe den momentonan duro. Por ultimo Minister Michelle Hooyboer-Winklaar di Asuntonan Social y Economia a papia di Aruba as a Gateway, na unda cu lo mester hasi Aruba un hub pa comerciantenan for di Europa y America Latina, y cu e idea aki lo por trese hopi oportunidadnan comercial pa e miembronan di ATIA y comercio en general. Tambe Minister a hasi uso di e oportunidad pa invita tur miembronan di ATIA pa asisti na e Europe meets the Armericas conference, cual lo tuma lugar entre 5 y 8 di mei 2013. Gerencia di ATIA tin e confiansa cu e aña vendidero lo ta uno hopi exitoso. ATIA lo dedica nan maximo esfuerso den representacion di nan miembronan y comercio en general, y na un manera ehemplar cu e team existente.

gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter