Friday, 24 October 2014
Vision y mision di director nobo di ATIA mr. drs. Igmar Reyes a wordo presenta Print E-mail
Monday, 01 April 2013 19:24

Igmar atia

Recientemente a tuma lugar e asamblea general di ATIA cual ta tuma lugar un biaha pa aña. Durante e asamblea e director nobo di ATIA Sr. Reyes a comparti su vision y mision pa cu ATIA. Den sr. Reyes su opinion e vision di ATIA ta pa repesenta, promove y defende e interes di su miembronan, e comerciantenan, e backbone di nos economia.

Pero e reto principal ta keda na 1) con na un manera efectivo por pone enfasis riba e problemanan cu e miembronan ta wordo enfrenta cu ne y mas aun 2) con pa suavisa y/of soluciona esakinan. E no ta solamente “kiko” bo kier logra, pero mas bien “con” pa logra bo obhetivonan como organisacion profesional. E mision pa ATIA e aña aki, segun sr Reyes ta simpel: conoce su miembronan y nan tipo di empresa (mihor). Door di esaki ATIA lo por asisiti, conseha, representa y duna informacionan y servicionan mas relevante na su miembronan. E objectivo di ATIA ta simpel: Percura pa tin un balor agrega den e hasimento di negoshi di nan miembronan. Sr Reyes a hasi un comienso fructifero caba door di cuminsa stipula un structura den ATIA y lo sigui continua cu esaki den un manera efectivo y eficiente. Por ultimo sr. Reyes ta convenci cu riba tur nivel ATIA lo mester traha hunto, cueste loke cueste, sea ta interno cu e miembronan, sea ta cu otro instancianan (gubernamental), o sea ta internacional. Traha hunto kiermen tambe cu apesar cu tur instancianan tin nan mesun responsabilidad, compromiso y diferencia di interes, toch mester tin espacio pa respet mutuo. Na final di dia nos mester por conhuntamente pasa door di e mesun porta. Cu e insteek aki sr. Reyes ta convenci cu e lo bay logra su objetivonan pa e añanan venidero.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter