Tuesday, 25 November 2014
Stichting Epilepsie Aruba: Exitoso celebracion di Purple Day Print E-mail
Monday, 01 April 2013 19:48
Comparti

front

Siman pasa 26 di maart Stichting Epilepsie Aruba (SEA) a celebra pa di prome biaha e dia internacional di epilepsia, esta PURPLE DAY. E meta di e dia aki ta pa concientisa mundo cu ora un hende tin epilepsia, esey no ta fin di mundo pe y cu comunidad mester dune e sosten necesario. Nos fundacion ta hopi contento cu e celebracion a bay sumamente bon.

Na Colegio Arubano y na Hosptaal miembronan di Directiva tawata presente pa duna informacion riba epilepsia. A parti casi 1000 cinta binja cu ta e color di e organisacion internacional di epilepsia y tambe hopi folder di SEA mes. Loke a resalta ta e falta enorme di informacion riba epilepsia. Tin un necesidad grandi pa sa kiko e malesa aki ta, con mester trate y si un pacient cu epilepsia por funciona normal den comunidad. Y hustamente pesey SEA a wordu lanta y riba un base regular ta duna lectura riba e tereno aki na skolnan, organisacionnan social y tambe na comunidad en general pa medio di anochinan di informacion. SEA a wordu funda na 2007 y prome cu esey pa basta anja un pareha Mericano tawata bin Aruba tur anja y duna informacion riba epilepsia entre otro na Telearuba. Ta trata di Martin y Marcia Brait cu realmente a inspira un par di hende pa lanta SEA. Y pa casualidad nan tawata na Aruba dia 26 di maart y nan a bin cuminda e miembronan di Directiva di SEA na Hospitaal. Nan a keda hopi contento di mira cu SEA ta activo riba e tereno di epilepsia cu ta hopi importante pa nos comunidad. Esnan cu ta sufri di epilepsia merece atencion y sosten di nos tur.

gallery1 gallery1 gallery1

Comparti
Comentarionan (1)Add Comment
Save your nonsense
April 02, 2013
201.229.17.45
Votes: +3
...

Un exito di purple day ta mustrami mas interesante cu juda e patiente nan di of cu tin problema cu epilepsie awor what about resultado di e curamento di epilepsie nos kier prueba nos no ta biba solamente di leuk zijn en doen maar resultaat un dia di un mehoransa den e secto aki cu e patient nan cu a sana lo ta un bendicion di Dios unda esaki nan ta?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter