Monday, 28 July 2014
Sargento Ryan Kock di Arumil Programa di Formacion Social ta creciendo Hobennan a duna un man na Fiesta Rotaria Print E-mail
Monday, 15 April 2013 18:10

DSC 3413

Proyectonan na beneficio di comunidad manera ta e caso di Fiesta Rotaria, ta haya un contribucion balioso for di e hobennan di Formacion Social y nan, di nan banda, ta haya a cambio un les den comunitarismo y satisfaccion personal.

Pa di dos aña consecutivo, e hobennan participando den e programa Formacion Social a coopera cu e evento cu Rotary Club of Aruba ta tene anualmente y cu a tuma luga diadomingo ultimo. Segun Sargento Kock, e iniciativa di Gabinete Mike Eman pa duna hobennan un di dos oportunidad den educacion y un bida probechoso, ta birando cada bes mas grandi. Ryan Kock, Sargento di Arumil, y un hoofdinstructeur di e programa SVT (Sociale Vormings Team) a indica diadomingo atardi kico exactamente e hobennan ta coopera cune. “Nos tin un par di aña ta aporta, duna un man na e programa aki. Nos ta arma tur loke por mira den background y nos ta bin desarme tambe.” E trabou di arma tur tent, stage y otro instalacionnan a tuma luga for di diabierna caba y diadomingo atardi nan ta bek pa kita tur cos. E grupo di trabou ta consisti di mas o menos 10 hoben. E contribucion na Fiesta Rotaria, mescos cu na otro actividad y organisacion, ta forma parti di e programa di Formacion Social. “Nan ta haya diferente proyecto pa haci, yuda haci un scol limpi of verf un scol,” Sargento Kock a bisa. Por ehempel, e prome grupo di Formacion Social a haci e parke di Jan Flemming limpi entre otro. “Nan ta siña drenta comunidad haciendo trabou comunitario,” Sargento Kock a añadi. Esaki ta e di tres grupo di Formacion Social desde cu e ley a keda unanimamente aproba den Parlamento di Aruba na luna di oktober 2011. Probablemente na proximo luna di Augustus ta cuminsa cu e di cuatro grupo. Inscripcion ta tuma luga cerca Hefe di Bureau Formacion Social, Jessy Ras na sede di Marinierskazerne. Despues di e proceso ey, Capitan Werleman y su ekipo di Arumil ta tuma e participantenan over pa duna inicio na loke ta e cuater luna di militarismo. Mientras cu e hobennan ta haya entrenamento fisico y capacitacion laboral, ta ricibi un pago mensual. Sargento Kock, mescos cu otro nan envolvi den e programa for di su inicio, a nota con esaki ta crece cada bes mas. “Interes, pa mi ta honesto, ta birando mas grandi pasobra prome nos a haya 14 mucha, pero awo nos ta hayando 20 pa 24 hoben,” e oficial militar a indica. E hobennan ta haya un formacion mas amplio di loke ta seguridad y tambe ta haci pasantia na companianan local. E Proyecto Formacion Social ta un cooperacion entre Gabinete Mike Eman, Ministerio di Defensa y Ministerio di Asuntonan Interior di Hulanda.

album album album
album   

Comentarionan (1)Add Comment
Lady Scorpio
April 16, 2013
201.229.90.233
Votes: +0
...

Asina aki nos ta hiba nos Aruba dilanti. Masha pabien na Aarumil, Grupo Formacion Social. Mi ta admira e grupo aki masha hopi mes, esey kiermen cu bo por cambia. Masha pabien, bon trabou!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter