Sunday, 26 October 2014
Minister Dowers: E caminda y e yabi pa solucionnan di siguridad ta cooperacion Print E-mail
Monday, 15 April 2013 19:39

front

Informacion no tin balor si e no ta wordo comparti entre esnan cu ta traha hunto pa garantisa siguridad di un pais, Minister di Husticia y Enseñansa Arthur Dowers a expresa na e cuminsamento di e KLM Master Class tocante siguridad y liderazgo. E Master Class, cual a tuma luga diabierna y diasabra na Europe House, a wordo ofreci pa KLM na e sector di husticia di Aruba.

Pa e ocasion aki Senior Vice President Security Services di KLM, Ben Swagerman tabata na na nos isla cu un delegacion di expertonan internacional riba e terenonan di siguridad, maneho di crisis y liderazgo. E Master Class di KLM a wordo organisa den añanan anterior dos biaha na Corsou y un biaha na Surinam y dos aña pasa Minister Dowers a pidi Sr. Swagerman pa considera Aruba como un di e proximo destinacionnan. Swagerman tin conocemento di e sistema hudicial den nos region como cu el a yega di ocupa e posicion di abogado general na Corsou den pasado. Swagerman a splica cu e meta di e Master Class ta pa hunto traha na e desaroyo di colaboracion y confianza mutuo. Esaki ta un di e formanan cu KLM ta demostra su responsabilidad corporativo (corporate responsibility) y ta duna bek na e comunidadnan unda cu e aerolinea ta activo. Minister Dowers a gradici Swagerman y su team pa e tremendo cooperacion y a remarca cu e comunidad general lo beneficia na final di dia di e informacion cu e expertonan a comparti cu e hefenan di diferente departamento pa loke ta trata maneho di crisis, siguridad y liderazgo. E mandatario a bisa cu e entusiasmo di parti di e participantenan ta refleha cu nan ta comprende cu e caminda y e yabi pa solucionnan di siguridad ta cooperacion y ta esencial pa comparti informacion. Ora bo comparti informacion, bo ta baha e risiconan pa problemanan cu siguridad tuma luga, Swagerman a subraya. E discusion tocante siguridad nunca ta caba y hendenan cu mal intencion ta sigui haya formanan nobo pa crea risiconan nobo, Minister Dowers a expresa. Desaroyonan continuo ta causa cu no por garantisa siguridad 100%, pero si bo por duna 100% di bo mes y bo departamento y haci tur esfuerso pa yega na e situacion unda lo maximo ta wordo logra, el a añadi. Cursonan manera e Master Class di KLM tin su efectonan positivo, no solamente pasobra esnan envolvi ta siña di otro y ta motiva otro, pero tambe e ta fungi como un bon marketing tool, demostrando cu tin colaboracion solido y proactivo, segun Minister Dowers. Siguridad y desaroyonan den siguridad ta continuo y tur hende mester percura pa traha hunto pa ta informa riba e desaroyonan, tanto localmente como internacionalmente.mester ta orguyoso di nan.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter