Saturday, 20 September 2014
Minister di husticia por compronde cu hopi hende ta decepciona cu decision di ministerio publico Print E-mail
Monday, 15 April 2013 20:09

Arthur Dowers

Den entrevista cu minister Arthur Dowers el a wordo puntra tocante e decision di minister publico, tocante e caso di accidente fatal na Noord, cu a laga e chofer cu tabata core hopi bebi, den libertad. El a bisa cu ministerio publico no a haya suficiente base pa mantene deteni e persona, a base di loke a pasa pero sin embargo esey no ta kita afo cu e tabata bao influencia di alcohol y esey tin su consecuencianan.

Manera e proceso ta e fiscal a huzga y a yega na su conclusion y ley ta duna e fiscal oportunidad di haci esaki. Minister Dowers por a compronde cu e reaccionnan den comunidad ta decepcionante, pero na final di dia mester cana e caminda cu ley ta stipula. El a splica cu na final di dia huez ta dicidi si un hende ta culpable si of no, pero ministerio publico tin cu presenta un caso y si nan of e fiscal cu ta investiga e caso no ta sinti cu e por yega na un condena den e fase aki e por tuma e decision cu a ser tuma. E mandatario tin comprension pa e sentimentonan cu a lanta pasobra ora ta haci tanto esfuerzo pa informa y preveni cu hendenan ta sali riba caya bao influencia di alcohol, y ta mira cu e parti grandi ta ser haci door di comunidad no ta duna resultado cu ta desea y esey kiermen cu gobierno tin un trabao mas grandi pa haci pa informa comunidad cu ora bo bebe no mester ta tras di stuur di auto. Minister Dowers toch ta haya cu e esfuerzonan cu ta ser haci ta haci mas hende conciente si cu coremento bao influencia di alcohol tin un risico grandi cu por tin consecuencia hopi dramatico. El a splica cu na final di dia mester bai respeta e ponencia di ministerio publico cu ta esun cu a presenta e caso y tin caminda pa cana ora bo no ta di acuerdo.

Comentarionan (3)Add Comment
amiso
April 16, 2013
201.229.56.72
Votes: +1
...

Pa tur esnan cu no ta compronde e ley: Si bo core bebi y ABO causa un accidente nan ta tenebo sera, pasobra TA ABO ta c*lpable. Si bo a core bebi y BO NO TIN c*lPA den un accidente, manera a pasa cu e turistanan, bo ta haña boet pa core bou di influencia y por perde bo rijbewijs tambe. Pero bo no ta c*lpabel si e turista mes a causa e accidente! Dia bo mes of bo famia pasa den un situacion asina, por ta lo bo tin comprencion. E homber aki tambe ta den un trauma. E NO A CAUSA E ACCIDENTE! Kiko un minister por haci den e caso aki?

Chandrikapersad
April 15, 2013
201.229.13.117
Votes: +5
...

Maneho mester ta consistente, ya cu nos como ciudadano mester por conta riba esaki, pa nos tene cuenta cu nos conducto. E maneho di ministerio publico ta zwalk di aki paya y ta bruha hende por completo. Un biaha si, un otro biaha no. Minister di justicia por duna nan instruccion kon e kier pa e maneho mester ta. E no por mete den un caso, pero si como nan hefe, por duna nan instruccion.

De Waarheid
April 15, 2013
201.229.67.32
Votes: -5
...

Oke amigo minister, esei ker men cu tampoco e personan ta perde nan rijbewijs pa 5 anja of nan no ta hanja ni un boet halto.
Minister, ki prijs un bida tin pa bosonan.
Si Odmar por a bin cu tanto leynan nobo unda abo ta cada.
Casticonan riba e pida baranca aki caba ta algo di hari awo asaki tambe.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter