Monday, 01 September 2014
Sesion informativo pa e sector di Horeca Print E-mail
Monday, 15 April 2013 21:00

front-dao004

Den cuadro di e 5 cambionan di ley laboral cu a drenta na vigor desde 1 di paril 2013, Departamento di Labor a cuminsa cu sesionan informativo dirigi pa diferente sector individual. Diabierna cu a pasa Departamento di Labor (DAO) a duna su prome sesion informativo pa e sector di agencianan di empleo temporal (uitzendbureau) y trahadornan temporal (uitzendkrachten).

Mirando e cantidad di enteresado cu a presenta pa sa mas di e leynan laboral, por bisa cu iniciativa pa duna sesionan informative ta un exito total. E presentacionan a wordu duna pa e huristanan di Departamento di Labor (DAO) cual ta expertonan cu a prepara tur e 5 e leynan aki. Hopi pregunta a wordu haci, di cual cada uno a wordu contesta mas amplio cu ta posibel. E fenomeno nobo di “Uitzendbureau” ta un sector cu ta conta cu un ley completamente nobo y esaki ta trece cu ne un forma nobo pa traha den e sector aki. Awe 16 di april 2013, nos tin nos di dos sesion informativo cu lo bai ta dirigi pa e sector di Hotelero. E sesion pa e sector aki ta consisti di tur hotelnan y restaurantsnan aki na Aruba y ta e sesion riba e Mercado laboral cu ta conta cu e cantidad mas grandi di trahadornan na Aruba. Den e presentacion lo bai amplia riba tur e 5 leynan. E cambionan ta encera 2 ley totalmente nobo y 3 ley ya existente cu a wordo adapta. Ta trata aki di cambionan di ley laboral pa cu e Codigo Civil di Aruba, Orenanda Laboral. Ley di Salario Minimo. Ley c uta regla trahadornan temporal y e ley nobo pa reglamente cu tur partido ta astene nan mes na e leynan laboral, Ley di aplicación administrativo di leynan laboral.Fuera di amplia riba e leynan mes, lo bai trata tambe e parti di maneho cu lo bai forma parti di e leynan aki. Departamento di Labor y Investigashon (DAO) kier a invita pa medio di e comunicado aki tur management, stafnan, personanan encarga cu e parti di recurso humano y trahadornan den hotel y restaurantnan pa participa na e sesion informativo pa asina bo ta bon informa riba e cambionanan den e leynan laboral. Tur e cambionan den e leynan ariba menciona lo wordu trata y mirando e sesión aki, lo trata p.e. e ‘horeca besluit’ nobo mas detaya mirando cu esaki ta applicabel pa e sector di hotelero specifico. E seccion pa Horeca lo ta bai ta di 4:00 pa 6:00pm na EPI collegezaal dia 16 april 2013. Departamento di Labor y Investigacion (DAO) kier a invita tur negoshi den e sector di Hotelero cu ainda pa inscribi pa asina participa cu e sesion informativo di diamars awor 16 di april 2013 via Departamento di Labor y Investigashon (DAO) na tel: 5837720 (DAO) ext. 279 (Mw. Louisetty Croes, e: louisetty.croes@aruba.gov.aw) of ext. 284 (Mw. Kindra De Cuba- Sprok, e: kindra.sprok@aruba.gov.aw). Tambe por manda un fax, via faxnr: 5837422.

gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter