Friday, 29 August 2014
Sindicalista Diego de Cuba: Derecho di miembronan di STA na Westin ta wordo trapa malamente Print E-mail
Monday, 15 April 2013 22:06

Diego de Cuba

Presidente di sindicato STA, Diego de Cuba, ta kere cu nan mester persisti y nan tin razon den nan intencion pa participa den un referendum bou trahadonan di Westin Hotel. Despues di diferente proceso y consulta, Mediador di Gobierno Anselmo Pontilius, a dicidi di yama e referendum y a inclui solamente e sindicato di e hotel, TEAM, den e votación aki.

Sindicato STA, el a splica, no por participa pa motibo cu nan no por a demostra riba papel cu nan tin suficiente miembro, 50% plus 1, bou di e trahadonan. Den combersacion cu de Cuba, el a indica cu nan a haya e sorpresa diabierna (12 di april) den oranan laat di atardi via di un email, cu STA no por participa mas den e referendum convoca bou di trahadonan di Westin. E motibo no a wordo duna. Di otro banda, for di nan miembronan na e hotel, STA a ricibi informacion cu un personan a colga papel rond cu tur e nombernan di personanan cu tin derecho pa participa na e referendum cu a wordo convoca y cu TEAM so por participa. Y aki ta caminda e dilema ta sinta ya cu no ta TEAM pero STA a pidi e referendum. Pesey a informa Mediador cu locual el a haci no tabata corecto. E sindicalista ta menciona cu nan tin 184 miembro oficial, apesar di tur maniobra cu a wordo pa STA su peticion no wordo cumpli. Pa loke ta e personanan cu a wordo kita for di trabou den e periodo cu STA ta buscando a haya e referendum y mester a tuma luga dia bieu, toch STA a keda cu 184 miembro oficial di e sindicato cu ta duna STA derecho mayoritario pa por participa den e referendum. Pesey a tuma e decision pa duna Mediador di Gobierno te diaranson pa inclui STA den e referendum di dia 3 di mei, de lo contrario nan ta bay Corte. Henter e problema, el a splica, ta ora STA a cuminsa pa pidi referendum na 2012, pero Westin no tabata kier esaki pa motibo cu tin un CAO vigente y seis luna prome cu e vence por tene e referendum y a duna nan razon. Despues di e episodio ey, STA a pidi un referendum pa departamento na Westin y La Cabana. Den e caso di Westin nan a bay Corte, hunto cu AHATA, pa para e referendum pa departamento pasobra tin un caso den bodemprocedure. Hues na e ocasion ey a opta pa duna beneficio di duda pa laga e bodemprocedure dicidi si tene referendum pa departamento pa cual e referendum un biaha mas a wordo para. Despues di esaki, STA a dicidi di pidi referendum pa henter Westin y La Cabana, y un biaha mas gerencia a bay Corte. “Simplemente nan no kier referendum, nan no kier pa STA drenta,” segun de Cuba. Den e ultimo caso aki, nan a uza e ponencia cu mester tin un lapso di seis luna entre referendumnan. Pero STA a mustra di su banda cu no tabatin referendum a tuma luga, ya cu el a wordo posponi. Den e caso aki Mediador mester a yama e referendum. Awor pa nan sorpresa, a saca STA afo y a laga TEAM den e referendum. Esaki siendo cu 150 empleado di e Hotel Westin a tuma nan retiro for di TEAM. Pesey e kier sa cu ki midi Mediador ta midi pa laga STA for di e referendum cu nan a pidi. “Derecho di miembronan di STA na Westin ta wordo trapa malamente. Esaki ta un berguensa nacional. Gobierno a apunta sr. Pontilius como Mediador y e ta prome yama pa cumpli cu leynan laboral y aki mi ta kere cu e ta trapa riba derecho di trahadonan. Si ta un eror el a comete, nos ta dune e beneficio di duda y e tin te diaranson pa realisa esey. Despues di diaranson lamentablemente nos tin cu hibe Corte. Nos no ta guli esaki manda abao. E cana a yena.”

Comentarionan (4)Add Comment
Irreal
April 16, 2013
190.104.101.248
Votes: +1
...

Si mi a compronde bon, e trahadornan di West In hotel tin nan propio in house sindicato. Kiko e in house sindicatio ei tin ku no ta bon, ku Diego ta metiendo la pata eidenan tambe? Mi no conoce Diego mucho bon pero lokual mi ta siguiendo den noticia di dje, ta dunando mi e impreshon berdad ku e guy ki ta un carpata ku kier tira su mes riba mas hopi cacho posibel ku e por hanja. I e ta parsemi un guy ku ta kere ku mas boroto e hasi, mihor e kosnan lo sali pe I esnan ku e ta representa.Wel ruman, ami tampoko lo kier tin e guy aki den sercania di mi negoshi.

Bounty Hunter
April 16, 2013
201.229.12.49
Votes: +1
...

Grita duro y haci cos di mala mucha no ta haci bo un gran sindicalsita Dieguito. Bo ta mescos cu un mucha cu nan a nengue un chupa bebe anto ta cuminsa grita duro y ta bisa na yoramento cu ta bai bisa su tata. Bo sa masha bo cu si bo bai huez bo caso ta perdi anto pa bo haya chens di bisa esnan cu bo ta ganjando; " ya mi no por hasi nada mas pa boso pasobra ta huez a duna mediador razon". Bai corte numa, bo ta perdi te aya. By the way no purba susha number di mediador.

The Observer
April 16, 2013
201.229.12.17
Votes: +3
...

@dog: e defensa di e clase trahador ta medio di comunicashon (radio, corant, TV, etc.), welga/ protesta,boycot, etc. (sindiocato). Awor, si tanto medio di comunicashon como tambe sindicato wordo secuestra door di comerciantenan, anto ta cu cual defensa e clase trahador ta keda? E clase trahador un biaha mas mester bira catibo di dunado di trabou??? Bo ta haya ta stranjo cu tin casnan super luhoso y autonan super luhoso ta aparece ultimamente? A costo di kiko???????

dog
April 15, 2013
201.229.41.85
Votes: +1
...

E guy aki no ta cansa di ta cana molestia diferente compania nan na Aruba, ta ami mester tin un negoshi y Diego bin ta kere cu ta e ta bin manda den mi negoshi .... mi ta dal e negoshi sera y mi ta manda tur e trahador nan pa Diego por cria nan.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter