Wednesday, 30 July 2014
Buki riba ley laboral di Dello Gomez pronto riba mercado Print E-mail
Monday, 15 April 2013 22:08

1

Despues di e cambionan grandi cu a tuma luga den leynan laboral di Aruba, Abogado Dello Gomez, kende ta autor di un buki cu compilacion di e leynan laboral, publica pa prome biaha na 1998, a dicidi di haci un revision grandi den esaki. Den combersacion cu e abogado, el a splica cu e intencion tras di e buki aki tabata pa presenta den un forma simplifica un compilacion di leynan labora cu tabata hopi individual e tempo ey caba, tanto pa trahado como personanan di recurso humano, Abogado y Huesnan.

E ta un forma di consulta pa tur hende sa cual ta nan derechonan como trahado. El a constata cu hopi biaha un custumber ta bira ley, pa motivo cu nunca e situación a wordo coregi riba su legalidad. “E miho forma cu mi a kere mi por yuda, ta door di bin cu e buki aki riba mercado,” el a splica. E prome versión a subi mercado na 1998, e di dos na 2003 ora cu e leynan a wordo adapta, pa cual e buki a wordo expandi tambe. Tabatin algún cambio chikito cu a surgi despues, cu no tabata necesario pa haci un revisión completo manera awor si ta necesario door di cambionan grandi cu a tuma luga. E mester a warda te cu prome di april pa ricibi tur e cambio y amiendanan, pa haci su revision final. Mientrastanto esaki ta cla y a wordo manda pa imprenta. E ta spera cu den cuatro siman di tempo, e buki ta riba mercado caba, como un forma di consulta. Manera semper, e lo wordo bendi via libreria pero tambe por bay online riba www.leydilabor.com pa consulta tur e leynan y tambe tin un mecanismo pa reserva un di e bukinan. E buki a wordo skirbi den consulta cu Minister di Labor, kende for di prome instante a sostene e proyecto. Inclusive e tin un voorwoord den e buki. Ta trata di un buki pa tanto dunado di trabou, trahado, sindicatonan y shopstewardnan. E ta duna e base pa compronde miho kico e ley ta bisa riba cierto aspectonan. Ta trata di un publicacion cu casi 400 pagina.

gallery1 gallery1  

Comentarionan (3)Add Comment
Paulina
April 16, 2013
190.104.99.9
Votes: -1
...

Ami ta haya cu e buki nan aki lo mester di ta traha gratis pa e pueblo di aruba. E abogado aki tin masha hopi cen anto a bira tempo pe le duna e pueblo algo mas.

CzyberX
April 16, 2013
201.229.9.114
Votes: +1
...

Mi ta spera ku nos hendenan lo sa di apresia lokual un Yiu di tera ta brinda nos, apresia e kantidad di oranan di trabow pa por formula un buki asina! Un guia! Keep up the good work Delo!

Mk3
April 15, 2013
201.229.44.220
Votes: +13
...

Ami lo kier cumpra un buki asina. Semper ta bon pa pueblo educa nan mes RIBA nan derecho. Vooral RIBA e aspecto laboral

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter