Friday, 22 August 2014
Studiantenan di tercer aña di IPA a tene presentacion y exposicion di nan pasantia internacional Print E-mail
Tuesday, 16 April 2013 09:49
DSC_2063
Diabierna dia 12 di april a tuma luga e presentacion y exposicion di pasantia internacional di e studiantenan di Instituto Pedagogico Arubano (IPA). Anualmente e studiantenan di tercer aña di Estudio Inicial di IPA ta biaha pa exterior pa un pasantia di cuater siman pa amplia nan horizonte, cera conoci cu e cultura y sistema di enseñansa di otro pais, haya conocemento didactico pedagogico y tambe intercambia conocemento y experencia cu e studiantenan di otro pais.

E studiantenan di tercer aña den varios grupo a bishita diferente pais p’asina cumpli cu e periodo di nan pasantia internacional obligatorio. E paisnan caminda cu e studiantenan a haci nan pasantia ta: Argentina, Cuba, Panama, Peru y St. Maarten. Tur cinco grupo mester a haci investigacion comparativo entre e sistema educacional di Aruba cu e pais den exterior y asina trece tambe ideanan y conceptonan nobo pa nan propio practica y ensenañsa na Aruba. Den nan investigacion tambe nan mester a enfoca riba temanan manera ciudadania global (wereld burgerschap) y desaroyo sostenibel (duurzame ontwikkeling) pa mira con e pais cu nan a bishita y nan educacion ta duna forma na esaki.

E actividad a inicia cu palabra di bonbini door di directora adhunto di IPA sra. drs. Marilyn Richardson. Sigui pa palabranan di drs. Irayka Yanez y Jose Miguel Donata MA. Siguientemente a tuma luga e prome tanda di presentacion di e studiantenan na unda nan a presenta informacion general di e pais cu nan a bihista y e resultado final di nan investigacion. Na final di e presentacion a tuma luga e apertura di e exposicion na unda tur esnan presente por a bishita esaki y asina admira e materialnan cu e studiantenan mes a traha. Despues di esaki a tuma luga e segundo tanda di e presentacionnan. Un palabra di pabien ta bay na tur e studiantenan di tercer aña cu a duna un tremendo presentacion. Alabaes IPA ta gradici tur persona y instancia cu a coopera cu e studiantenan y asina haci nan pasantia den exterior exitoso.

dowers dowers dowers
dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter