Monday, 21 April 2014
Sciencia den Parke Nacional Arikok Print E-mail
Tuesday, 16 April 2013 12:35
DSC_2063
Diasabra dia 12 di April Parke Nacional Arikok a haya bishita di studiantenan di Universidad di Suriname.  E studiantenan tabata presente na PNA pa sigui un workshop di geologia duna door di nan docente Dr. Dennis Lapoint y e geologo  structural Dr. Kevin Stewart di University of North Carolina.

E delagacion international bou di guia di Drs. Armando Curret y Nature Sensitive Tours,  tabata sumamente impresiona pa e rikesa geologico di nos Parke. Dr. Stewart ta comenta cu ya caba na e Parkeerplaats di PNA por observa un tremendo muraya geologico cu ta splica e historia tetonico di Aruba. Señor Stewart ta splica tambe cu ta sumamente importante pa conserva e tesoro geologico aki. Ademas tin informacion di dr. La Point cu particpantenan tin interes pa bin Aruba bek pa asina sigui investiga e rikesa geologico cu ta encontra den Parke.

Un otro aspecto interesante di e investigacionnan na Parke ta e colaboracion entre Vije Universiteit van Amsterdam (VU) y Parke Nacional Arikok, en especial esun cu e departamento di Institute of Environmental Sciences (IVM) di VU. PNA  ta yama bon bini na dos estudiante di VU cu ta bin haci investigacion di nos vegetacion local, e efecto di flora y fauna invasivo riba esaki y e implicacionnan economico. Esaki tur cu e meta final pa haci un evaluacion economico di nos eco-systemanan . Un concepto yama ‘ The Economics of Ecosystem services and Biodiversity (TEEB).  Door di traha cu diferente partner strategico manera universidadnan international PNA ta trata na yega na su metanan sustenibel.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter