Thursday, 18 September 2014
CIDE a tene charla comunitario tocante idioma crioyo cu invitado special Prof. Dr. Hubert Devonish di UWI na Jamaica Print E-mail
Tuesday, 16 April 2013 14:09
DSC_2063
Diamars dia 26 di maart Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) a tene un Charla Comunitario titula: “English Based Creole, Papiamento and Identity in the Caribbean” cu orador invita Prof. dr Hubert Devonish di The University of the West Indies (UWI) na Jamaica.

El a papia tocante e desaroyo di Ingles den e region di Caribe unda cu el a mustra cu tin mas cu cincuenta idioma crioyo ta wordo papia den e region aki so. Tambe el a splica cu tin diferente nivel den idioma entre otro e formanan “basilectal, mesolectal y acrolectal”. Ta considera “basi” como e nivel mas abou y “acro” como e nivel mas halto. Prof. Devonish a duna ehempelnan di “English based Creoles” na Jamaica y e resto di Caribe. Tambe a puntra esnan presente pa duna algun ehempel di “San Nicolas English” p’asina por a compara y posiciona e “Ingles crioyo” di Aruba, cu tin su mesun carateristica, den e schema aki. Banda di esaki, algun studiante di estudio di Bachelor di Ingles di UWI a presenta nan investigacion cu nan a haci na Jamaica tocante e relacion entre identidad nacional y idioma. Aki a puntra un cantidad di hende kico ta identifica nan como un Jamaiquino. Factornan cu a wordo menciona sin un secuencia specifico tabata cuminda, musica, idioma, cultura y luga di nacemento. E studiantenan a conclui cu actualmente e generacion bieu ta haya cu idioma, den e caso aki “Ingles crioyo” ta locual mas ta identificanan como Jamaiquino. Antes esaki no tabata e caso ya cu no tabata considera “Ingles crioyo” como idioma. E motibo ta cu “Ingles crioyo” no tabata tin regla gramatical y tabata considera como corupcion di e idioma Ingles. Mester menciona cu idioma no solamente a bira e factor mas importante pa e generacion bieu sino cu tambe e ta e factor mas importante pa e generacion nobo. Durante e charla e esnan presente a haya oportunidad pa haci pregunta, trece sugerencia padilanti y hiba discusión. IPA ta expresa un caluroso danki na tur persona cu tabata presente na e anochi exitoso aki y specialmente na Prof. dr Devonish y e studiantenan di UWI pa nan tremendo presentación.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter