Friday, 28 November 2014
Green Education Symposium Aruba 2013” pa hobennan di Aruba Print E-mail
Tuesday, 16 April 2013 14:11
Comparti
DSC_2063
Biblioteca Nacional di Aruba ta hibando un maneho moderno, educando hobennan di Aruba banda di promove lectura. Aña basa caba a tuma e iniciativa pa educa hobennan di Aruba, por medio di un simposio, riba tur loke e pais ta haciendo relaciona cu energia berde. E simposio a resulta un exito y dianan 22 y 23 di april awor ta bay tin e di dos simposio na Westin Resort.

Gabinete Mike Eman ta aplaudi y apoya e iniciativa di BNA y a pone na su disposicion miembronan di Green Team pa provee tur e ayudo necesario den e organisacion.

Den un conferencia di prensa na sede di SETAR, directora interino di BNA, Lilian Semeleer, a splica cu durante dos dia dos mil alumno di scolnan secundario di Aruba lo haya informacion conscientisando e hobennan riba e tema “Green”. Oradornan pa e dianan aki ta Geert Kooistra di Hulanda, Freddy Vargas di NV Elmar y Daniel Croes di WEB NV. A toca honor na Prome Minister Mike Eman, pionero den maneho di energia alternativo na Aruba, pa haci e apertura di e Simposio na Westin Resort. Premier Eman na e ocasion aki ta bay mustra e rol importante cu nos generacion di hobennan ta hunga den e maneho di energia alternativo pa awor y futuro. Pero tambe tur loke Gabinete Mike Eman ta haciendo riba e tereno aki y loke kier logra pa 2020: completamente independiente di e tradicional combustibel fosil.

E organisadornan e aña’ki a dicidi di tene e topiconan mas local pa cual a invita tambe e team di e proyecto “Green ‘S Cool” cu a bin ta informando hobennan di Aruba na e diferente scolnan y encurashando nan pa participa cu proyecto riba maneho sostenibel pa competi cu otro den un final cual lo tuma luga na luna di mei awor. Ya caba Ministerio di Asuntonan General di Gabinete Mike Eman a percura pa algun mil studiante por a participa den un sesion di informacion cu Profesor Wubbo Ockels, unda ta wordo mustra riba e importancia pa protege e unico mundo cu tin y esaki por ser logra por medio di un maneho sostenibel. Tur hoben di Aruba ta wordo encurasha pa participa activamente, tanto na e proyecto di Green ‘S Cool como e simposio di BNA cual ta tuma lugar dianan 22 y 23 di april awor na Westin Resort.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter