Thursday, 24 April 2014
Celebracion di Dia di Tera na Santa Rosa Print E-mail
Tuesday, 16 April 2013 16:41
DSC_2063
Dia 21 di april Santa Rosa lo ta celebrando Dia di Tera den forma grandioso cu un Mercado espectacular combina cu Open Dag.

E celebracion lo cuminsa for di 10or di mainta cu musica di DJ Eithel, sigui pa Excellent. Pa 12or di merdia lo tin presentacion di grupo di baile Nos Cultura, 1or Tipico Cadushi Largo y 2or e   tan popular Rincon Boys lo trese ambiente crioyo.

Un total di 50 tent lo uni nan mes na e celebracion aki y lo deleita e bishitantenan cu cumindanan crioyo manera sopinan di; oester, mondongo, lion fish y carni, bacalao, boonchi cora, stobanan di; calbas, secat, comcomber y cabrito, keri-keri, higra di bestia chikito, sanger yena, Johnny cake y hopi mas.

Pa acompaña e cuminda lo tin sabroso boca dushi, manera dulce de leche, chupabebe, koekki, cocada, chuculati di coco, pan dushi, drikidek y tur sorto di bolo. Diferente agricultor lo ta presente bendiendo nan productonan, entre otro, miashi rabo, cocorobana/maishi shimaron, boonchi largo, jambo y pampoena. Criadornan presente lo bende carni di cabrito y carne, cria riba nos isla. Tambe lo tin pisca fresco na benta for di piscador local.

Lo tin diferente mata, remedi di tera y artesania na benta. Pa e muchanan lo tin hotdog, cotton candy, hamburger y hopi mas. Santa Rosa mes lo bende matanan, simiya, lechi fresco, pochi di mata, honing fresco, pato y galiña bibo y hopi mas. Teniendo na cuenta e clima cayente di Aruba, Santa Rosa lo percura pa tin 3 tent grandi, 600 stoel y 50 mesa pa asina tur bishitante por sinta y disfruta di dushi cuminda y ambiente. Cunucu Chabelito lo ta habri pa asina un y tur por pasa wak e bestianan manera baca, burico, gans, turtuga, galiña, porco, carne y cabrito den e kinderboerderij.

Durante e celebracion magestral aki Santa Rosa lo haci apertura oficial di nan GreenHouse como tambe e seccion nobo di apicultura. Santa Rosa, na nomber di Minister di Turismo, Transporte y Labor, Otmar Oduber ta extende un invitacion caluroso na pueblo completo pa bin celebra Dia di Tera hunto cu Santa Rosa cu un Open Dag cu ta priminti di ta espectacular. E celebracion lo tuma lugar riba 21 di april for di 9or di mainta te cu 4or di atardi na Santa Rosa.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter