Wednesday, 26 November 2014
Zenitel: Compania Europeo prepara pa explora e mercado Latino Americano Print E-mail
Tuesday, 16 April 2013 16:55
Comparti
DSC_2063
Zenitel ta un compania cu origen Europeo, cu ta operando pa hopi aña caba den Caribe. E experticio di Zenitel ta den e ramo di "critical communication", o sea comunicacion critico y ta provee servicionan na "first responders" manera Polis, Ambulance, Kustwacht, etc. como tambe companianan priva.

Zenitel ta conoci pa su sistema di comunicacion “Tetra” den nos region y, ademas, na Europa ta produci sistemanan di “intercom” pa instancianan manera Hospital y Prizonnan.

Zenitel na Merca ta proveedor di servicio na Capitol Hill na Washington, D.C. y cu e sistema Vingtor ta provee comunicacion pa botonan grandi, manera tankers. Vingtor ta e lider den e mercado den e mundo di comunicacion di boto.

Cu Europe Meets the Americas, segun Bert Schreuders, Gerente General di Zenitel den Caribe Hulandes, ta mira un oportunidad nobo. "Zenitel ta aplaudi e iniciativa di Gobierno di Aruba, como cu negoshi na Sur America ta 'booming' y Zenitel tin e experticio y productonan di comunicacion critico pa cual tin hopi demanda actualmente den paisnan Sur Americano," asina Schreuders a splica.

Esaki ta e motibo principal tambe pa cual Zenitel ta mira oportunidadnan grandi den e conferencia Europe Meets the Americas, particularmente pa loke ta trata establece contacto cu partnernan potencial.

Zenitel a inscribi pa Europe Meets the Americas for di su operacionnan na Aruba y ta convenci cu diferente compania lo ta presente como partners, manera companianan di instalacion, companianan cu ta haci benta di tecnologia como wholesaler, pero tambe por ehempel arkitectonan.

Bert Schreuders ta subraya cu tin diferente bentaha pa e compania cual tin su base na Europa. Pa medio di su operacionnan na Aruba por exporta experticio local, como tambe e productonan di calidad halto mas facil via di nos isla cu directamente for di Europa. Esaki ta un proceso cu ya ta tumando luga, pero Zenitel ta premira di por expande cu esaki, como cu e pedida ya ta grandi.

Sur America ta un mercado di 300 miyon hende; Zenitel tin su bista fiha riba nan y ta premira cu pa medio di nan participacion activo na Europe Meets the Americas por surgi hopi oportunidad y contactonan interesante.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter