Saturday, 26 July 2014
E di 12 Expo y Competencia di Obra y Arte recicla a habri en grande Print E-mail
Tuesday, 16 April 2013 17:12

photo

Dialuna 15 di april, 2013 a tuma luga e apertura oficial pa AHATA Comision di Medio Ambiente su di 12 Expo y Competencia di Obra y Arte recicla na Cas di Cultura. Sr. Edjean Semeleer a inicia e exposición y tabata presente pa asina entona nos himno “Aruba Dushi Tera”.

Seguidamente Minister Arthur Dowers a habri e exposicion oficialmente. AHATA su Comision di Medio Ambiente ta sumamente contento cu e acogida pa cu e 12 competencia y exposicion di Obra y Arte recicla e aña aki. Durante e evento grandi y chikito ta demostra cu reciclahe ta posibel. Tambe cu obranan grandi por wordo realisa. Por ultimo a wordo desmostra cu tin hopi articulo cu nos por re-uza y nan lo bira hermentnan di gran utilidad pa nos bida cotidiano. Durante e exposicion comunidad di Aruba por disfruta di un gran variedad di obranan, hopi creativo, bunita y sigur util. E exposicion lo keda habri na Cas di Cultura for di dialuna 16 di april te cu 25 di april, 2013. E orarionan pa aprecia e obranan ta: di dialuna pa diabierna di 2:00 pm pa 6:00 pm. E exposición lo ta cera riba Diasabra y Diadomingo. Entrega di premio y clausura lo tuma luga dia 26 di april, 2013 pa 2:00 pm. Comision di Medio Ambiente a gradici Cas di Cultura pa nan cooperacion, tur e participante pa nan entusiasmo y creatividad, tambe Sr. Edjean Semeleer pa su contribution na e exposition aki, na nos main sponsor nan Coca Cola y Talk of The Town y tur compañía nan cu a yuda di un of otro manera, na tur miembro di AHATA su Comision di Medio Ambiente pa nan cooperacion, seňorita Lucina Navas y Sr. Milton Arends kende nan ta studiante nan di Universidad di Aruba y Hulanda cu ta stage actualmente na AHATA. Nan sigur tabata un apoyo grandi na e apertura y expo aki. AHATA su Comision di Medio Ambiente kier a gradici specialmente Minister di Husticia y Enseñansa, Minister Arthur Dowers y Minister di Economia, Social y Cultura, Minister Michelle Hooyboer-Winklaar pa nan presencia y bon consenho na e candidatonan. AHATA su comision di Medio Ambiente kier invita comunidad completo pa pasa na Cas di Cultura pa aprecia e bunita obranan cu a wordo crea pa grandi y chikito, no lubida e entrada ta completamente gratis. Bini un, bini tur. Sea creativo y consciente pa cuida nos medio ambiente!

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter