Thursday, 02 October 2014
Jose Bruzo cu workshop riba arte recicla pa maestronan Print E-mail
Tuesday, 16 April 2013 18:13

Expo

Daniel Aguirre no ta un cara desconoci den parti di arte recicla. E mes tabata presidente di e comision di medio ambiente di AHATA den pasado. Den un entrevista a puntre riba su presencia den e exposicion di e anja aki, y el a introduci tambe un persona cu lo bai duna un workshop relaciona cu arte recicla.

Daniel Aguirre a splica cu e anja aki e competencia ta mas detaya cu anja pasa y cu e ta bayendo hopi bon, y cu un catedratico universitario cu e biaha aki ta na Aruba pa di tres biaha pa e evento aki, ta bay duna un workshop. E workshop aki ta pa maestronan pa nan sinja nan alumnonan na e diferente schoolnan con pa traha y design cu carton y cual ta e triki cu tin den dje.E ta bai sinja riba forma, grandura y textura di carton y con pa traha cu esaki. Varios maestro di school a join e workshop y no tin cupo mas. Den futuro por pensa riba otro workshopnan, segun Aguirre. Na Aruba tambe tin presencia di Jose Bruzo cu lo duna e workshopnan menciona. Den un entrevista el a conta tambe un tiki riba su parti. E lo ta hurado tambe den e exposicion di arte recicla 2013. El a bisa cu e ta gradici AHATA pasobra e experiencia aki ta hopi agradable pa su persona na nivel di loke e ta mira expone tanto di e publico en general como na nivel di schoolnan. E ta mira cu na Aruba ta wordo crea un conciencia pa loke ta trata reciclahe y tin un movimento pa retoma e elementonan recicla y traha algo ingenioso cu nan. E anja aki e ta Hurado y e ta kere cu ta bai tin un trabao dificil pa seleccion e categorianan di trabao cu lo haya premio. E tayer di trabao ta uno hopi practico y elemental pa motibo di tempo. E lo mustra loke un hende cu tin creatividad y iniciativa, cu por traha manual por haci e elementonan aki utilitario y decorativo. El a splica cu carton ta algo efimero kiermen cu e tey pa un momento pero e por bira funcional si hacie un elemento util y decorativo. E ta bai usa e tecnicanan basico di corte, peso, proporcion y e logica manual y visual cu e participante por tin. E tayer di trabao ta bai tin un duracion di dos ora loke no ta suficiente pa e persona mustra tur su destreza y desaroya su creatividad, pero e intencion ta pa sembra e simiya den dje pa e keda cu e curiosidad di traha cu diferente material.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter