Wednesday, 26 November 2014
Prome recompensa pa Lionfish den competencia di Lionfish 2013 entrega Print E-mail
Tuesday, 16 April 2013 18:23
Comparti

DSC 0143

Despues cu diaranson ultimo, 10 di april 2013, un grupo grandi matado di Lionfish a asisti na e reunion di e prome competencia di Lionfish, esaki a ranca sali maner palabra. Tabata ya caba pa su diabierna siguiente cu participantenan a cuminsa trece e pisca invasivo problemático aki pa competi pa titulo maximo y alabes colecta nan recompensa.

Ta asina cu Aruba Marine Park Foundation ta ofrece un recompensa di 15 florin pa kilo di Lionfish cu e participantenan trece e biaha aki. E recompensa aki ta pa yuda cubri e gastonan di e participantenan den nan esfuerso pa yuda combati e pisca aki cu por caba cu nos bida marina.

Participante conoci y nobo:

E prome persona cu a apela na e oferta aki tabata nada menos cu Juan “Tintin” Giel, kende ya ta bon conoci den e competencianan di Lionfish unda na december 2012 a bay cu e titulo maximo caba. Tintin a trece diabierna mainta mes 3 Lionfish pa un total di 600 gram y a bisa na bos halto cu “esaki ta djis pa cuminsa y cu e siman nobo aki lo trece mas aden.” Despues a yega pa su diasabra Romeo Croes, kende semper a sigui e torneonan di cerca pero nunca a participa activamente. E biaha aki, diasabra ultimo, a trece 19 Lionfish pa un total di 6.9 kilo di Lionfish. Como si fuera poco, pa su dialuna siguiente, bon tempran, e ta bolbe trece 7 lionfish pa otro 1.6 kilo y asina a cobra un recompensa di 127.50 florin mesora. Su palabranan tabata “esaki ta net pa cubri e gasolin y gastonan di e ultimo biahe y pa e proximo. Awor si tin cos!” Esaki ta mustra cu por spera e siguiente simannan hopi competencia y hopi lionfish. Publico ta ser invita pa purba Lionfish na Nos Clubhuis situa na di dos piso di Centro di Pesca Hadicurari unda bo ta garantisa pa haya lionfish fresco e dianan aki. Di e forma aki bo ta yuda tambe na e esfuerso pa yuda nos medio ambiente door di come un sabroso plato di e pisca aki.

INFORMACION:

E reglanan a keda publica. E torneo lo ta parti den 2 parti. Uno di 11 di april pa 29 di april y e otro ta un evento di 1 solo dia y e gran final di premiacion riba 30 di april, aña di la Reina. Den e prome parti lo duna recompensa pa cada pisca y esun cu mas pisca lo tin premio como tambe pa esun cu mas peso. Aña di la reina lo tin e “One Day Shoot out and Cook out” riba cual lo competi pa premio atractivo pa e ganadornan y unda tur pisca lo keda entrega pa keda ofreci na e publico pa purba. Aruba Marine Park, gradecido na e cooperacion di Minister di Turismo Otmar Oduber, cu cooperacion di Fundacion Centro di Pesca Hadicurari, Santa Rosa y TPEF, ta conta tambe cu e participacion y sosten di representantenan di Aruba Under Water Hunters, ta premira cu e torneo aki lo yuda nos bida marina. Pronto ta spera cu e comision organisador lo anuncia proximamente un tayer pa principiantenan, unda voluntarionan lo duna informacion tocante di Lionfishi, seguridad, e instrumentonan pa tira y tene e Lionfish. E fecha lo keda anuncia denter di poco pa e tayera aki. Por haya mas informacion y tur cu ta interesa pa participa por haya mas informacion y registra via facebook.com/ArubaMarinePark of facebook.com/hadicurari of skibiendo na arubamarinepark@gmail.com of hadicurari.pesca@gmail.com pa detaye di e evento.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter