Wednesday, 30 July 2014
Sistema di salario cu DOW tabata tin prome cu añja 2000 ta esun ideal segun Diego de Cuba Print E-mail
Tuesday, 16 April 2013 18:33

Diego de Cuba

Den entrevista cu Diego de Cuba, presidente di STA, a puntre con facil lo ta pa un departamento di gobierno so manera DOW haya aumento di salario. El a splica cu tin diferente opcion pa asina yuda e trahadornan aki cu no ta ganando suficiente.

Segun Diego de Cuba tin cierto schaalnan na aparato gubernamental cu e hendenan ta drenta cu un salario di 1670 florin pa luna, cu ta net 28 florin riba e minimumloon, y esey no por. Tin trahadornan cu tin 10 anja of mas trahando cu awor ta disfruta di un salario di 2100 florin so y STA ta bay traha pa soluciona esaki. Den DOW tin diferente opcion pa soluciona esaki si e director bira creativo, por ehemplo creando funcionnan caminda por hinca e empleadonan aki den un schalering mas halto y asina nan no ta frustra den un schaal abao, of door di reintroduci e sistema bieu cu DOW tabata tin prome cu anja 2000 cu a bin cu otro sistema. De Cuba a splica cu salario ta e dolor di mas profundo cu tin den pueblo pasobra tur producto ta subi pero salario no ta subi. E director di DOW a mustra hopi cla cu tin trahador na DOW cu kier keda den nan mes funcion y esaki ta stroba nan pa crece den schaal. Segun de Cuba esaki no ta berdad y ningun hende kier muri cu mesun salario y den mesun funcion. Diego de Cuba a splica cu director mester bira inventivo pa crea vacaturanan pa yuda e hendenan aki crece tambe. El a splica cu ambtenaarnan no ta bin na remarke pa reparatie toeslag. Nan a haya indexering respectivamente 85 y si no ta 105 ta 115 e dos ultimo anjanan consecutivo pero esaki no ta cubri e subida di costo di bida. Pesey e ta insisti cu mester busca otro sistema pa e trahadornan aki crece den entrada. Na 2000 ora a bin cu e sistema di schaal cu tin e sindicato e tempo ey a firma pa esaki sin pensa cu nan ta bay mata e trahadornan aki y aworaki 13 anja despues nan ta muri den dje. E ta haya tog cu e sistema bieu ta esun ideal.

Comentarionan (3)Add Comment
Mepitish
April 17, 2013
201.229.28.229
Votes: +3
...

Bo kiermeen e LTS eranan cu ta den welga kier bai gana mas plaka cu e HBO ersnan.....hahhahaah Pret ohm, pa colmo ta un curso nan a pasa di 6 luna y haya un certificaat cu ta evalua nan na MBO....imagina bo un MBO bai un curso di 6 luna y wordo evalua como un HBO-er anto un HBO bai un curso si 6 Luna y wordo evalua como un Ir, porta nan no kier contabo full e storia pero esaki ta e realidad.

swa
April 17, 2013
201.229.28.229
Votes: -3
...

Paulina si abo tin skol ???? dicon abo ta worry kiko,nos a hasi mihor busca otro cos di hasi anto stop di wak otro su bida.
Ami tin schaal 6 pero tog mi ta bringa pa mi colega nan ja.

Paulina
April 16, 2013
190.104.99.9
Votes: +4
...

Ami ta haya cu Diego mester di bay skol back. Pasobra e ta bin bisa cu un persona merece un salario mas halto. Awel, e persona ey lo tin di bay un curso pa asina e por bin na remarce [a un salario mas halto. Bo no por di kere pasobra bo persona a dicidi di keda sinta y traha pa mas di 10 anja na e mesun position, cu awor ta DOW su fout. Bin bij. Bay skol y studia anto e ora ey nos por di papia.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter