Sunday, 21 December 2014
Jeniree Gonzalez di Green Aruba “‘Be Green’ no ta nifica biba cu menos pero biba mas consciente” Print E-mail
Tuesday, 16 April 2013 18:46
Comparti

DSC 0931

E prome ciclo di e proyecto titula “Green ‘S Cool” ta yegando su final cu e competencia di e miho proyecto ‘Green’ traha dor di hobennan di scol secundario. For di februari ultimo, Profesor Wubbo Ockels a bin ta duna presentacionnan na diferente scol secundario di Aruba, ilustrando e importancia pa e actual generacion haci tur esfuerso pa preserva e unico mundo cu tin pa biba riba dje.

Gabinete Mike Eman den tres aña y mey di Gobernacion a diseña e caminda cu pais Aruba tin pa cana pa bira 100% sostenibel na 2020. Den cuadro di esaki a cera aliansanan di cooperacion cu instancianan di renombre manera Carbon War Room di Sir Richard Branson, TNO y Harvard University cu ta bay yuda pais Aruba den e direccion pa bira 100% sostenibel. Sinembargo prome cu logra e meta grandi aki, Prome Minister Eman a splica, nos mesun hendenan tambe mester wordo prepara y conscientisa, pa cual a hiba e filosofia aki cerca e studiantenan di scolnan secundario encurashando nan pa participa activamente cu proyectonan cu por beneficia nan scol pero tambe den nan bida diario na cas. Asina a bin cu e proyecto “Green ‘S Cool”. Jeniree Gonzalez, un di e miembronan dinamico di e grupo Green Aruba, ta envolvi den e trabounan pa conscientisa hobennan di Aruba riba e importancia di e desaroyo sostenibel. E idea di “Green ‘S Cool”, el a splica, a surgi den e di tres Green Aruba Conference, aña pasa, unda cu un di e oradornan tabata Profesor dr.Wubbo Ockels. Tabata hustamente Profesor Ockels cu a inicia e parti di e proyecto aki dunando lectura riba sostenibilidad na scolnan secundario, cu e meta pa cambia pensamento di alumnonan tocante kico kiermen “be Green”. “Profesor Ockels kier inculca den e alumnonan cu “be green” no ta nifica biba cu menos, pero mas bien biba di un manera diferente, creativo y divertido.” Door di encurasha hobennan pa participa activamente den crea maneho mas sostenibel cerca nan mes, na scol of na cas, ta reduci consumo di energia como reduccion di gastonan mensual di utilidad na scol y na cas. Docentenan tambe a participa den tayer pa nan ta prepara pa guia e studiantenan den realisacion di nan proyecto pa participa den “Green ‘S Cool”. Despues di lectura di Profesor Ockels, e scolnan a ricibi seis tema cu cada scol por scoge pa participa cu nan. Grey water re-use; windmill; electrical cars; wind cooling; architectal and solar panels. Pa informa e studiantenan miho riba e temanan aki, Team Green Aruba ta organisando dos tayer riba cada tema, uno na Playa, na Biblioteca Nacional Oranjestad y otro na BN San Nicolas. Tur e tayernan aki ta wordo duna door di expertonan local riba tereno di sostenibilidad y energia alternativo. Mas informacion di tur e tayernan aki por wordo haya riba e Facebook di Green ‘S Cool. E final di e competencia aki ta dia 21 di mei awor na Cas di Cultura, durante un evento cu ta cuminsa 3’or di mainta y finalisa 12’or di merdia. Participantenan ta haya chens pa presenta nan proyecto na esnan presente.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter