Thursday, 23 October 2014
Campaña pa crea logo y slogan pa nos celebracion di DIAMANTA Print E-mail
Tuesday, 16 April 2013 21:26

John John Flemming competencia

SAC ta anuncia cu 15 di april 2013 ta cuminsa cu e campaña oficialmente pa asina yega na e LOGO y tambe e SLOGAN pa Aruba su carnaval nr 60. Tur aña SAC ta anuncia un logo pa e celebracion Aruba su Carnaval di e respectivo aña. Manera a sosode na Carnaval 50 caminda cu a organisa un competencia pa e logo pa nos celebracion di Oro e biaha aki nos lo organisa e competencia pa e Logo pa e celebracion di diamanta.

E ta un competencia pa tur edad. Pues laga bo fantasia, imaginacion, creatividad, talento, don, bo espirito artistico etc y demostra bo logo riba papel pa asina participa den e campaña aki.

Comision logo y slogan pa Carnaval 60:

E comision lo consisti di 3 persona:

1) . Sr. John Flemming di Raad van Beheer di SAC lo ta dirigi e comision.

2) . Ralph Croes

Campaña di logo y slogan:

SAC kier un logo pa Carnaval nr 60 cual ta nos celebracion di Diamanta. E pensamento tras di e campaña aki ta pa cuminsa cu e hype pa e celebracion di Aruba su Carnaval

Caminda cu ya caba por cuminsa mustra cu Carnaval ta den movecion y ya caba gruponan ta tumando accionnan na caminda pa su hubileo di diamanta

Carnaval di Aruba ta bibo cerca tur habitante y cu e t’ey pa keda.

E forma cu lo bay traha ta losiguiente:

Ø Lo haci uzo di radio y prensa skirbi pa promove e campaña durante e periodo cu e campaña ta on.

Ø Involucra mas tanto persona posibel pa participa den e campaña di logo aki;

Ø Lo pone tur informacion riba e website y Facebook page di SAC pa cu esaki. Aki riba lo pone tambe e formulario di participacion cu participantenan por print y e reglamentacion pa cu e campaña, pues cual ta e rekisitonan cu e participante mester tene cuenta cu ne;

Ø Lo saca ganado absoluto Logo y Ganado absoluto Slogan

Ø Lo ta bay tin premio atractivo pa e 2 ganado

Ø SAC no ta mishi cu derecho di autor riba e logonan cu wordo entrega

Criterionan na cual e logo mester cumpli cu ne:

· Por uza tur color como fondo (background)

· Por tin te 8 color

· Si por crea e logo den 1 color tambe ta OK:

· E logo por ta totalmente abstracto

· Entrega hunto cu e logo un splicacion di esaki, pues kico e ta representa

· Si ta posibel por hinca den e logo algo cu tin di haber cu historia di Aruba su Carnaval.

· E logo aki mester ta apropia pa uzo entre tur e generacionnan bibando na Aruba.

· E logo mester ta un creacion cu e pueblo di Aruba por sinti nan identifica cu ne.

· Tur diseño di logo mester ta entrega riba un A4 of A3

· No ta permiti nada vulgar – obseno – discriminatorio den e logo

Criterio pa e Slogan:

· Un slogan cu ta identifica Aruba su Carnaval

· Un celebracion di carnaval di pueblo

· Un celebracion di carnaval cu pueblo tin na pecho

· Un slogan cortico y impactante

· Si ta posibel un slogan cu ta bisa algo di con Aruba ta celebra Carnaval

· E slogan aki mester ta apropia pa uzo entre tur e generacionnan bibando na Aruba.

· E slogan mester ta un creacion cu e pueblo di Aruba por sinti nan identifica cu ne.

· E slogan mester wordo entrega riba papel cu tur informacion di e autor

· No ta permiti nada vulgar of discriminatorio den e logo

Condicion di participacion:

· Tur participante tin cu yena un formulario di participacion, presenta ID y paga un suma di AWG. 25,=, pa logo y pa slogan. Esaki ta pa evita cu bo ta haya personanan cu lo manda logonan of slogan cu no ta alcaso cu nos celebracion di Carnaval.

· Pa cada logo pa Carnaval entrega ta paga e suma ariba menciona.

· Pa cada slogan pa Carnaval entrega ta paga e suma ariba menciona.

· Tur persona por entrega e cantidad di desea di logo of slogan

· Autor ta mantene e derecho moral di derecho di autor riba su diseño;

· Autor ta traspasa su derecho economico di e logo na S.A.C. den un convenio;

· Eventual adaptacionnan chikito (si esaki ta desea) lo keda discuti cu e autor, a pesar cu e derecho economico a keda traspasa pa Stiching Arubaanse Carnaval;

Con ta husga e logo y slogan;

Aki algun regla na cual e huradonan lo tene cuenta cu nan.

· P.e. e logo y slogan mester ta representativo pa Aruba su Carnaval

· Nos mester por reconoce Carnaval den e logo y slogan

· E logo y slogan no por tin nada di otro celebracion cultural di carnaval den dje

· E logo y slogan no por ta algo parecido na un emblema of algo di un otro logo of slogan cu a wordo uza oficialmente anteriormente.

· E hurado su decision ta final

Hurado:

Pa fin di april lo anuncia e nombernan di e huradonan cu lo ta encarga pa scoge e ganado nan absoluto. E huradonan lo ta personanan cu tin conocemento di Diseño, Pintura, Arte, ramo di Comunicacion, ramo di Publicidad etc

Fecha di entrega di logo y slogan;

Fecha pa cuminsa y termina e campaña di logo y slogan ta awe 15 di april 2013 y ta termina 20 di mei 2013.

· Lo por entrega e logo y slogan for di dia 20 di april 2013 y 20 di mei 2013

· Por entrega bo logo of slogan durante e fecha menciona solamente riba diaranson y diasabra mainta entre 9:00am te cu 1:00pm na oficina di SAC na Dakota. Despues di e fecha aki lo no acepta ningun logo of slogan mas.

Fecha riba cual e logo y slogan ganado ta wordo anuncia;

SAC lo presenta e ganadonan fin di juni 2013. Motibo di e fecha aki ta pa duna tempo pa haci tur e preparacionnan necesario pa pone e logo den calidad y mester firma un acuerdo cu e ganado prome cu anuncia esaki publicamente. Tambe esaki ta conta pa e slogan pa asina por haci e formato cu lo anuncia esaki tambe y pa atende tur asuntonan legal.

Prome cu e wordo publica of presenta na publico den juni;

Comision di Logo y Slogan lo busca un diseñador pa prepara e logo den e calidad y tambe den e sizenan cu nos ta desea esaki pa wordo haci.

Premionan pa e ganadonan

Premio pa e LOGO ganado ta:

· premio cash di AWG. 2.000,00

· 2 VIP Daimondcard di SAC pa tur evento di Carnaval nr 60

· pasashi

· pakete di material di promocion di Carnaval nr 60

Premio pa e SLOGAN ganado ta:

· premio cash di AWG. 1.000,00

· 2 VIP Daimondcard di SAC pa tur evento di Carnaval nr 60

· pasashi

· pakete di material di promocion di Carnaval nr 60

Entrega na oficina di SAC

Tur participante mester yena un formulario di participacion ora di entrega su documento oficial na oficina di SAC.
Mester entrega hunto cu e logo y slogan un splicacion.
Paga e suma corespondiente pa asina haya un comprobante di pago y lo ricibi un envelop pa asina pone e logo of e slogan aden.
Tur envelop entrega tin un number ariba dje.
Copia di ID. Si no ta menor di edad mester ID di mayor/representante
Solamente riba e dianan stipula ta ricibi e logo y slogannan participante.
No ta permiti pa entrega na ningun otro caminda cu no ta oficina di SAC

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter