Thursday, 02 October 2014
Tecla Kelly a splica den rueda di prensa: Evaluacion carnaval 59 tumando lugar y tambe preparacion carnaval 60 Print E-mail
Tuesday, 16 April 2013 21:26

sac

Na Oficina di SAC tabata tin un conferencia di prensa pa splica un tiki riba tur loke ta pasando rond di carnaval. Presidente di SAC, Tecla Kelly, a splica cu despues di carnaval 59 no a para keto. A cuminza traha e parti di evaluacion tanto cosnan negativo como positivo. Siman pasa SAC a reuni cu e team di carnaval sin cual nan no por draai y cu ta Polis, DOW, DIP, Rode Kruis, DTI, IMSAN, Brandweer, etc.

E instancianan aki a haya e tarea di pone preto riba blanco tur e exigencianan cu nan kier bin cune, pa cosnan no sosode na ultimo ora, entre otro, e keurmento di autonan cu ta ser usa den e paradanan di carnaval. E documento aki mester keda cla pa mei proximo, y djey lo informa riba tur e reglanan cu ta bay conta pa carnaval 60 na 2014 y esnan cu ta sigui den futuro, por ehemplo esnan di Gezondheids Dienst cu ta hopi estricto pa cu preparacion di cuminda y ken ta traha esakinan. Segun Tecla Kelly anja 2014 ta parce hopi leu pero luna di April aki mes ta bayendo hopi lihe y asina lo sigui te cu nos ta bek den e fecha cu carnaval ta cuminsa. Carnaval 60 lo ser yama Celebracion Diamante. Otro siman tin mas reunion ta sigui. El a anuncia tambe cu si tur cos bay bon manera te awor, dia prome di Mei lo tin inscrpcionnan caba pa Reina di Carnaval. E comision ta preparando su reglanan caba. Pa 2014 ta bai tin eleccion di un reina di integracion, internacional of multicultural, ainda mester defini e nomber oficialmente. E reina aki lo sali di candidatanan cu no tin passport Hulandes, presenta pa tur nacionalidad biba na Aruba. Den pasado tabata tin diferente caso di muchanan muher no Hulandes cu kier a participa pero pa motibo di esaki no por a hacie. Pues na 2014 nan lo habri e oportunidad pa nan tambe.

Comentarionan (2)Add Comment
prorubiano
April 17, 2013
201.229.35.210
Votes: +0
...

habri buuuuuuuuuuuuuki , te awe nada di habri buki. parce cu ora pueblo pidi pa esaki ta manera palabra malo den orea di esnan di SAC.

what goes around..
April 17, 2013
201.229.55.78
Votes: +0
...

Werkelijk, pami nan mag di jame: feestend ten onder gaan.. whahaha.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter