Saturday, 20 December 2014
Basisschool Pius X ta den full swing cu actividadnan pa Weganan di Rey Print E-mail
Wednesday, 17 April 2013 15:13
Comparti
DSC_2063
Diabierna ultimo nos a topa cu un klas na e gymzaal di Basisschool Pius X unda e muchanan tawata ansioso y cla pa mustra nos e ideanan pensa pa e sportdag pa Weganan di Rey cu lo tuma lugar 26 di april 2013.

E gymzaal tawata bunita decora cu blaas cora, blanco, blauw y plumanan oranje y ademas e colornan di tur e materialnan tambe tawata di e colornan Hulandes pa asina nos por a sinti e ambiente cu nan kier crea pa dia 26 di april.

Meneer Gio ya a hinka full e actividad den otro, cu pa prome no solamente tin elementonan clasico (vangen, springen, gooien) aden, tambe tokenan unico (kruipen in het donker) y e chens pa muchanan por hasi koprol den e trayecto di corona. Algo cu e muchanan ta hopi contento cune. Ademas kiko Pius X lo hasi duranto e actividadnan ta pa envolve tur klas cu nan decoracionnan como parti di e trayecto di corona cu lo duna nan un elemento hopi unico. Meneer Gio ta conclui cu e muchanan mes y nan entusiasmo ta loke ta e mas unico y bunita di tur otro scol na Aruba. E scol lo ta content di conose e Rey pasobra e ta un experencia nobo y unico.

Basisschool Pius X, danki pa boso tempo y nos ta desea boso un dia dushi y alegre.

Weganan di Rey lo ta pa tur scol basico cu lo tuma parti na e evento aki. Tur mucha lo haya un dushi desayuno saludabel, como tema di Rey. Despues un evento deportivo lo tuma lugar, caminda tur mucha lo participa na un “trayecto di corona”.

Pa mas informacion, potretnan di tur e bishitanan di e scolnan cu ta wordo entrevista por bishita “ Weganan di Rey Aruba” riba Facebook.

Por bishita tambe e pagina web pa mas idea: www.koningsspelen.nl

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter