Monday, 01 September 2014
Arubus no ta tolera ningun tipo di iregularidad Print E-mail
Wednesday, 17 April 2013 16:43
DSC_2063
Ayera mainta huez a duna sentencia pa loke ta trata e caso cu 15 chauffeurnan di bus a entama contra Arubus, caminda huez a bisa cu mester sigui paga nan salario. Ta trata aki di un total di 19 trahador di Arubus cu ta wordo sospecha di iregularidadnan.

Arubus pa medio di esaki ta expresa cu ta respeta sentencia di huez, pero na mes momento ta bisa enfaticamente cu no ta tolera ningun tipo di iregularidad y ta analizando cual ta e siguiente paso pa tuma. Na e momentonan aki tin 3 posibilidad: pidi permiso pa retiro di e trahadornan aki via Departamento di Labor, bay den hoger beroep of sigui cu un bodem procedure.

E punto principal di huez tabata basa riba e parti di tourniquet, esta e mecanismo cu ta draai pa conta e pasaheronan. Huez a considera cu e puntonan presenta pa Arubus no ta suficiente pa loke ta trata e funcionmento di e tourniquet.

Ponencia di e abogado di e chauffeurnan ta cu e tourniquet tin biaha ta draai mas cu un biaha, sea intencional of no dor di e pasaheronan. Esaki ta un punto cu Arubus ta acepta cu por pasa, pero no cu e ta pasa 40, 50 of mas biaha durante un dienst den e mesun bus. Mas ainda cu e ta pasa tanto biaha bou cierto chauffeurnan y despues un otro chauffeur ta cuminsa su shift den e mesun bus y e no ta pasa ningun biaha. Papiando mas specifico, cu e 15 chauffeurnan involucra cu e caso, e conteo di e tourniquet no ta klop y cu e otro chauffeurnan si e ta klop. Es mas, ora a manda un carta pa stop loke ta pasando, cierto chauffeurnan a stop, mientras cu otronan a sigui.

“E escencia cu nan a keda cu placa cu no ta di nan, cu ta placa di compania, no a bin dilanti den e sentencia”, Director di Arubus, Teo Croes a duna di conoce.

Arubus por prueba a base di entre otro rapportnan cu e tourniquet ta funciona, contrario na e ponencia di e chauffeurnan.

Ronnie Wix, abogado representando Arubus a indica tambe cu nan ta respeta sentencia di huez, pero esey no kiermen cu nan ta di acuerdo cune. Cu esaki e kiermen cu Arubus tin un scala di posibilidad pa sigui cune, manera a wordo menciona ariba y na e momentonan aki ta evaluando cual di e tres camindanan aki ta bay cana. Loke si el a bisa cu e sentencia aki no ta e ‘eind station’.

Algo cu a bin dilanti ta cu e trahadornan aki a keda cu placa cu no ta di nan, algo cu nan no a desmenti te dia di awe. Cu otro palabra nan ta usa diferente argumento pa purba bagatiliza e seriedad di loke nan a haci, segun mr. Wix. El a agrega cu tabatin 3 trahador cu a admiti cu nan a keda cu e placa, pero huez a ‘ gewoon fiets overheen’.

Comentarionan (8)Add Comment
palo wiko
April 18, 2013
201.229.25.42
Votes: +0
...

Un empleada cu ta traha payroll, a "favorese" su boyfriend chauffeur un suma balora na aprx dos salaris. Nan dos a a bay Miami bai keiro cu e cen.
Esaki tambe ta e toerniquet a "wordu gedraai" dor di muchanan di scol.?
Tambe Juez no a bisa nada di esaki.?????

rock
April 17, 2013
201.229.6.202
Votes: +0
...

Diario a saca bon un relato awe den corant, caminda bo ta puntra bo mes ta unda nos ta bay cu nos husticia. Husticia ta pa ken. Ken Juez kier defende. E l****n o e afectado ( den e caso aki Pueblo, ta paso ta placa di pueblo ta drei Arubus.) Si nos lesa esaki bon, boso ban horta numa y sigi horta, Juez ta cu nos toch??? Esaki ta un bon ejemplo. Manjan mi ta kere cu Jossy/Diario lo tin un bon relato atrobe riba nos HUSTICIA. Pabien ARUBA.

arubiano di puro seppa
April 17, 2013
201.229.119.116
Votes: +1
...

theo bo tampoco nota un santo ta politicamente bota poni einan y awor palo a dal cu bo , paso kiko bota bai hasi awor paga tur e hende nan ei cu placa di pueblo manda nan cas of laga nan traha bek pa nan salario cu nan ta bai cobra por nada of bo no kier baha cabes anto guidou e bai costa bo mas hopi placa despues.

Budoem
April 17, 2013
201.229.67.79
Votes: +1
...

Mata hende cu auto, pata pata burachi, no ta keda sera; gang ta horta un compania tampoco ta bay sera y ta keda cu trabao! Ta kiko ta pasando cu nos Husticia na Aruba??? smilies/angry.gifsmilies/angry.gifsmilies/angry.gif

Tom
April 17, 2013
173.255.177.33
Votes: +2
...

Esei ta pasa ora boso ta buska systema barata for di hende nan sin experencia. Ami sa di hende cu a usa nan caarcchi pa subi bus pero e no a kite for di su saldo. Tambe mi a compronde cu nan a hack e systema aki varios biaha caba.

buchicunucu
April 17, 2013
201.229.97.78
Votes: +10
...

Theo, bo ta lubida cu abo mes tawata cobra dobbel onderstand (tanto esun di Aruba como esun di Hulanda) den anjanan 80 tempo cu bo tawata inscribi tanto na Aruba y na Hulanda???? Het kan verkeren zeg

limpi te lombra
April 17, 2013
86.83.228.1
Votes: +4
...

Hopi hende tin consenshi limpi door di nan mal memoria. Verdad semper lo sali na cla.

greta maduro
April 17, 2013
201.229.3.180
Votes: -3
...

hopi jammer, cu no tin respet mas pa huez ! foei !

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter