Wednesday, 30 July 2014
Boogaard NV cu anuncio importante encuanto cambio di Road Service Print E-mail
Thursday, 06 June 2013 16:25
DSC_2063
Luna di Juni a habri cu un anuncio importante di parti di e broker independiente mas grandi aki na Aruba, Boogaard Assurantien NV.

E compania cu semper ta percura pa un servicio optimal cu e atención personal pa tur su clientenan, cu oficina na Playa y San Nicolas, awe tin un anuncio importante pa haci na pueblo di Aruba encuanto cambio di Road Service pa esnan cu ta sigura cu Treston Insurance Company (Aruba) NV.

Boogaard ta pidi atención pa e cambio aki.

Entrante 1er di Juni e servicio di Road Service ta den man di TRS Road Service cu telefon 165. E servicio aki ta encera:

  1. 1.Si a sera jabi den auto
  2. 2.Jumpstart bo auto (almenos auto ta daña p’un periodo largo)
  3. 3.Cambio di flattire (solamente si cliente tin sparetire)
  4. 4.Si gasolin caba na caminda (compra di gasolin ta pa cuenta di e cliente)
  5. 5.Si kier servicio na cas, gasto pa esaki ta Afl35,-
  6. 6.Zona nan “OFF ROAD” no ta bin na remarca pa road service

Den caso di accidente, y ta pidi pa tuma bon nota di esaki, ta obligatorio jama TRS Road Service na telefon 165 y Polis na telefon 100.

Pa Treston su clientenan cu seguro CASCO y SUPER servicio di Towing ta inclui den e road service. Pa esnan cubri cu seguro WA y CASCO limita, sigur por haci uzo di Towing pa un fee di Afl 50,- cu mester wordo paga na e momento ey.

Si e clientenan di Boogaard sigura na Treston ta desea di bin na remarca pa e servicio di TRS Road Service, mester pasa personalmente na oficina nan di Boogaard pa firma e waiver di responsabilidad.

Den cuadro di mehoracion constante di su producto y servicio cu grato placer Boogaard Assurantien ta haci anuncio di e cambio importante aki. Pa mas información por pasa libremente na nos oficina na Playa of na San Nicolas, of por jama nos na telefon 528.8888 unda un di nos hendenan ta cla pa brindabo e servicio optimal cu Boogaard Assurantien ta conoci pe.

Comentarionan (2)Add Comment
daniel1
June 08, 2013
201.229.2.205
Votes: +5
...

Ta bo number di auto so nan mester y nan ta saka tur bo credencialnan di nan computer. Si bo no kier jamanan, no jamanan. Ta un servicio extra nan kier brinda na nan clientenan. Politie raport por dura lunas, e raport di TRS ta bai mesora pa seguro y bo auto lo wordu drecha mesora.

Bel-Ray
June 07, 2013
201.229.43.237
Votes: +2
...

Ami ta jama Polis, no Road Service, pasobra bo credencialnan personal Polis so mi por duna, pasobra nan ta oficial cu huramentacion, un simpel trahado di e servicio ey no. Polis tin autoridad, nan no....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter