Thursday, 17 April 2014
CCDN: Horcan den un glas di awa Print E-mail
Thursday, 06 June 2013 19:09

IMG 6402 (Copy)

Durante e ultimo dianan aki a lanta un warwaru riba Face Book cu ta obliga Comicion Celebracion Dianan Nacional (CCDN) di splica un ke otro pa asina tin claridad riba e asunto aki. Comunidad ta corda e manifestacion cultural di dia 17 di maart ultimo, caminda CCDN a presenta hunto cu UNOCA un manifestacion grandioso den forma di un concierto cu nos musiconan professional y local acompanja pa un show di luz y imagen realisa pa ECA, sr Aldrich Croes.

Pa luz y e imagennan di Aruba sali mas miho posibel, mester a pinta e background di e stage preto. A tarda pa pinta e background back den su colo original, esta blauw di shelo pa motibo cu presupuesto no tabata aproba ainda. Awor cu Begroting 2013 a pasa, lo bay over na pinta e parti patras di e stage cu ta preto awor, back den su color original. E reaccion riba FB ta manera un orkan den un glas di awa. No mas cu 2 anja pasa (2010) a renoba Plaza Betico Croes por completo. A topa cu un Plaza totalmente neglicia cu e parti bow di stage, caminda ta cambia panja, totalmente destrui. Esaki, segun a compronde, tabata den e estado deplorable pa hopi anja! CCDN ta puntra su mes ta di con tur e anjanan anterior tabata tin un silencio total pa cu e casi ruina y awor pa un verf temporario tin tanto desordo?

album album album
album album album

Comentarionan (2)Add Comment
Mep t'ey
June 06, 2013
201.229.67.63
Votes: +4
...

Rectificacion:

Esaki ta horcan den un kelki!

SAPO
June 06, 2013
201.229.67.63
Votes: +5
...

Esta ridic*lo, sua! Gobierno anterior di MEP tabatin e plasa aki NA WERKI! E lugar aki tabata sclama pa un verf! Asina hopi nan tabata stima Betico! Ta bao di e gobierno di Mike mes a restaura esaki!
E hendenan aki di MEP ta birando loco, raso! Nan ta actua mescos cu galiña cu no sa unda pa pone webo! Nan no tin ningun issue drechi pa campaña! P'esey nan ta bin cu tur sorto di ridic*les! Mi ta comprende e perdemento di cabes di Evelinchi! Ay, ta pica!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter