Wednesday, 23 April 2014
Segun John Kelly di Brandweer: Tin barionan cu ta sobresali cu kimamento di mondi y di sushi manera na Noord y Tanki Lendert Print E-mail
Friday, 07 June 2013 20:24

John Kelly002

Den entrevista cu John Kelly, hefe di e departamento di prevencion na Brandweer y tambe den e funcion officier van dienst, el a splica con ta bay prepara pa e temporada druk cu ta den bin relaciona cu celebracion Dia di San Juan. Kelly a splica cu nan ta bon di material pa loke ta trata truck cu nan tin un den cada post kiermen Tanki Flip, Airport y San Nicolas.

E trucknan ta esnan cu nan ta saca prome den caso di candela di mondi, kimamento di sushi y otro tiponan di candela. Pa celebracion di San Juan nan tin cu sinta ainda pa punto traha un plan cu nan tin den pipe plan caba pa loke ta trata e parti represivo di Brandweer. Pa e fecha aki semper nan tin mas personal riba dienst, segun Kelly. Di adelanta nan ta service e autonan mirando cu e druk ta cuminza for di cabamento di school te mey anochi cu e trucknan di brandweer ta constantemente ariba abao. El a bolbe bisa cu un di e problemanan grandi ta kimamento di sushi den cura pasobra e biento duro cu tin ta pasa e candela pa mondi y e candelanan ta bira grandi cu tur e riesgonan pa otro casnan den e vecindario. Kelly a bisa cu mayormente ta hende mes ta ocasiona e candela y brandweer mes ta haya indicacion door di sinti cierto holo of di constata cu algo a ser tira den e sitio causando candela. Tambe hopi habitante ora brandweer ta yega atende un caso ta bisa cu nan a wak mucha ta core bay of hende den auto cu a benta algo den mondi, pero tambe nan por a mira un homber sospechoso cu despues cu ta disparce ta wak e candela y esaki ta pasa den tur nos barionan pasobra esnan di brandweer ta scucha e mesun storia ripiti. El a splica tambe cu brandweer tin dividi Aruba den 8 distrito y tin barionan cu ta sobresali pa motibo di candela. E ta menciona Noord y Tanki Leendert cu a registra 117 melding, San Nicolas parti noord cu tin 86, Oranjestad west 95, Paradera 55, San Nicolas zuid 55 pero caminda cu tin mas kimamenteo di sushi y candela di mondi ta na Noord cu un total di 77 melding pa e tipo di candela aki sigui pa Savaneta cu 68, Oranjestad West banda di Playa Pabao cu 63, Oranjestad Oost cu 54, Paradera cu 45, Santa Cruz cu 43, San Nicolas parti noord cu 86 y San Nicolas zuid cu 35 candela di mondi y di sushi. John Kelly a splica cu Brandweer ta midi esaki segun bario pa concientiza e habitantenan cu nan no mag di kima sushi y pa tene rond di cas limpi y nan cura pa evita cosnan mas lamentable. Brandweer tin coordinadornan cu ta cana den bario duna lectura pa informa e pueblo kico ta loke nan mester tene cuenta cune y di e forma aki nan ta concientizando e pueblo drentando den bario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter