Thursday, 31 July 2014
Minister dr. Richard Visser ta invita Aruba pa core, cana y core bicicleta Print E-mail
Saturday, 08 June 2013 00:17

visser invite

Cu inversionnan miyonario manera e renobacion di LAGO Heights, ESSO Heights, Joe Laveist Ballpark, e sport center di San Nicolas y hopi mas, San Nicolas ta kedando hopi bunita y e facilidadnan di deporte ta hayando bida nobo. Minister dr. Richard Visser ta invita henter nos comunidad y particularmente habitantenan di San Nicolas y vecindario pa corda e prome Ciclovia den San Nicolas unda 4000 hende di tur edad a move hunto, cana, core y gosa di un dia ameno y activo.

E intencion ta pa e Green Walk organisa pa partido AVP bira mes of hasta mas grandi cu Ciclovia y tur hende bin disfruta hunto na un forma positivo y dinamico moviendo hunto den cayanan di San Nicolas. San Nicolas ta evolucionando y ta birando hopi bunita, ban sigui move hunto padilanti! Minister di Salubridad y Deporte dr. Richard Visser ta expresa. Esaki ta un dia di famia, unda cu nos por disfruta hunto di e desaroyonan - manera un inversion di 11 miyon florin den Joe Laveist Sportpark - y e transformacion tumando luga, como tambe di e proyectonan cu ya ta cla caba, e mandatario ta añadi. For di hopi prome cu Minister Visser a drenta politica e ta trahando na un forma proactivo, promocionando bienestar general pa medio di bon nutricion y movecion, combina cu otro actividadnan cu ta motiva un bida balansa y prevencion di malesa en general. El a scoge como su “life’s work” e sondeo di nutricion, custumbernan di comemento y efectonan di diferente tipo di cuminda riba e estado di salud di diferente comunidad, particularmente e salud di mucha. Su preocupacion pa e trendnan creciente cu ta conduci na un bida desbalansa, sobrepeso y consecuentemente risico halto pa haya un malesa cronico no transmisibel ta un di e factornan cu a push’e pa e drenta politica. Pa medio di traha na un nivel nacional, como minister, dr. Richard Visser a pone su dilanti pa hiba nos populacion den otro direccion, pa un futuro mas saludabel. For di momento cu dr. Visser a acepta e funcion di Minister di Salubridad y Deporte el a intensifica y reenforsa su actividadnan den e area di conscientisacion. El a expande e metanan y servicionan di IDEFRE y a converti esaki den IBiSA. Tambe, el a pone esfuerso extra tras di e proyecto “Scolnan Saludabel” pa por a lansa esaki y pa cual ya tin cinco scol ta participando como scol piloto y tres scol cu ta participando hunto cu e cinco scolnan aki. E meta principal ta pa e comunidad di Aruba ta mas saludabel, den nos scolnan, na cas, na trabao, den tur area. Cifranan di e ultimo tres pa cuater aña di Aruba ta mustra cu awendia tin mas caminata cu antes y tin mas hende ta participa tambe na caminatanan. A nota un crecemento di mas di 300% den e cantidad di persona cu a bira mas activo, particularmente durante Ciclovia y caminatanan, pero en general canando pa ehercicio of pa recreo. Esaki siguramente ta confirma e exito di e esfuersonan di Minister Visser y IBiSA. Minister dr. Richard Visser pues cu entusiasmo ta invita un y tur, pero specialmente habitantenan di San Nicolas pa sali cana diadomingo awo hunto cu partido AVP y disfruta di un Dia di Famia special. Registracion pa e Green Walk ta tuma luga for di 1’or di atardi na Joe Laveist Sportpark y e actividad mes ta cuminsa pa 4or di atardi cu coremento di bicicleta y e fun walk/run ta cuminsa pa 4’or y mey di atardi. Lo tin actividadnan special pa nos muchanan for di 3or y Le Groove y un DJ lo entretene participantenan.

Comentarionan (2)Add Comment
keeeblerc*li
June 08, 2013
204.93.60.177
Votes: +7
...

Visser ki dia ta cuminsa tambe cu ban stop steriods, hgh etc...bo mes ta yen steroids...e ta mas malo cu tur e locura di sobrepeso..pero sigui cu e bon trabow .. STERIODS DIMES

safe aruba sin debe di avp
June 08, 2013
201.229.37.229
Votes: +9
...

visser cu tur respet pabo ami a cuminsa core pa mi no bira malo i hana mi mal sirbi door bo mal maneho di azv.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter